दुचाकींची अमोरासमोर धडक, दाेन्ही दुचाकीस्वार जखमी

मनात्री खुर्द : दाेन दुचाकींची अमाेरासमाेर धडक हाेऊन दाेन्ही दुचाकीस्वार गंभीर जखमी झाले, तर एक जण किरकाेळ जखमी झाला. हा अपघात तेल्हारा तालुक्यातील मुख्य रहदारीचा मार्ग असलेल्या तेल्हारा-अडसूळ या मार्गावर २० फेब्रुवारी राेजी सकाळी ११ वाजताच्या दरम्यान घडला. पंचगव्हाण येथून लग्नाहून अडगाव येथील इसम गावाकडे परत जात होता, तर तेल्हाराकडून अडसूळकडे वाकोडी येथील इसम माेटारसायकलने जात हाेता. समाेरून आलेल्या ट्रकला ओव्हरटेक करण्याच्या नादात एमएच ३० एएल ६४११ व एमएच ३० बीइ ०१३७ या दाेन्ही माेटारसायकल परस्परांना धडकल्या. या अपघातात दोन्ही दुचाकीस्वार गंभीर जखमी झाले. पोलीस निरीक्षक दिनेश शेळके यांच्या मार्गदशनात पो.कॉ. निकेश सोळंके, सागर मोरे यांनी तातडीने घटनास्थळावर पोहाेचून जखमींना तत्काळ तेल्हारा ग्रामीण रुग्णालयात उपचारासाठी दाखल केले. वृत्त लिहीपर्यंत जखमींची नावे कळू शकली नाहीत. तेल्हारा-अडसूळ या रस्त्याची दुरवस्था झाली असून, धुळीमुळे अपघाताचे प्रमाण वाढले आहे. याकडे लक्ष देण्याची मागणी हाेत आहे.