भरधाव ट्रकच्या धडकेत दुचाकीस्वार ठार

बोरगाव मंजू : राष्ट्रीय महामार्गावर बोरगाव मंजू पोलीस ठाण्याच्या हद्दीत भरधाव मालवाहू ट्रकच्या धडकेत एक दुचाकीस्वार ठार झाल्याची घटना बुधवारी १६ डिसेंबर रोजी सायंकाळी पाच वाजेच्या सुमारास घडली, ईश्वर पंढरीनाथ जोशी (३०, रा. गंगापूर, जि. जळगाव खान्देश) असे मृताचे नाव आहे.

बोरगाव मंजूकडून ईश्वर जोशी हे दुचाकीने (क्र. एमएच १९ डीसी ६५३३) अकोलाकडे जात होते. दरम्यान, अकोलाकडून बोरगाव मंजूकडे जाणाऱ्या मालवाहू ट्रकने (क्र. एमएच ४० बीएल ५२६३) त्यांना बोरगावमंजू येथील शाॅ मिलजवळ जबर धडक दिली. या अपघातात ईश्वर जोशी गंभीर जखमी झाले. त्यांनाउपचारासाठी रुग्णालयात दाखल केले असता डॉक्टरांनी मृत घोषित केले. घटनेची माहिती मिळताच ठाणेदार सुनील सोळंके यांच्यासह पोलीस हेड कॉन्स्टेबल दीपक कानडे, योगेश काटकर, शे. फईम शे. चाॅंद, संजय इंगळे यांनी घटनास्थळी धाव घेऊन पंचनामा केला. ट्रकसह चालकास ताब्यात घेतले आहे. पुढील तपास बोरगावमंजू पोलीस करीत आहेत. (फोटो)