टिप्परवर दुचाकी आदळली; एक ठार, एक गंभीर

दुचाकीवरील गौतम बरडे हे जागीच ठार झाले तर रामा वसराम राठोड हे गंभीर जखमी झाले.

मूर्तिजापूर : भरधाव दुचाकी उभ्या असलेल्या टिप्परवर धडकल्याने एक जण जागीच ठार तर एक गंभीर जखमी झाला आहे. ही मूर्तिजापुरातील घटना पुंडलिक नगरनजीक २२ डिसेंबर रोजी संध्याकाळी घडली. गौतम विश्वनाथ बरडे (५५) कासारखेड-उनखेड असे मृतकाचे नाव आहे. मूर्तिजापुरातील पुंडलिक नगर दरम्यान टिप्पर क्रमांक एमएच ४८ जे ८५९७ हा रस्त्याच्या कडेला उभा होता. दरम्यान, दर्यापूरवरून मूर्तिजापूरकडे येणारी दुचाकी क्रमांक एमएच ०२ एफ १६९१ ने टिप्परला जोरदार धडक दिली. यामध्ये दुचाकीवरील गौतम बरडे हे जागीच ठार झाले तर रामा वसराम राठोड हे गंभीर जखमी झाले.
त्यांची प्रकृती चिंताजनक असल्याने त्यांना पुढील उपचारासाठी अकोला येथे पाठविण्यात आले आहे. गौतम बरडे यांचा मृतदेह उत्तरीय तपासणीसाठी लक्ष्मीबाई देशमुख उपजिल्हा रुग्णालय मूर्तिजापूर येथे पाठविण्यात आला आहे. पुढील तपास शहर पोलीस करीत आहेत. (शहर प्रतिनिधी)