धावत्या रेल्वेत महिलेचा विनयभंग, पाच अटकेत

Crime News : काही युवकांनी अश्लील शेरेबाजी व शिवीगाळ करून ६४ वर्षीय महिलेचा विनयभंग केला़.

अकोला : हैदराबाद-जयपूर स्पेशल एक्स्प्रेसमध्ये महिलेचा विनयभंग करणाऱ्या पाच जणांविरुध्द अकाेला रेल्वे पोलीस ठाण्यात गुन्हा दाखल करण्यात आला आहे. या महिलेच्या विनयभंग प्रकरणातील पाच आरोपींना रेल्वे पोलिसांनी अटक केली असून त्यांची कारागृहात रवानगी केल्याची माहिती आहे़ शहरातील वाशिम बायपास परिसरातील ६४ वर्षीय महिलेने दिलेल्या तक्रारीनुसार त्या कुटुंबीयांसह हैदराबाद-जयपूर स्पेशल एक्स्प्रेसने नांदेड ते अकोला प्रवास करीत असताना त्यांच्याच आजूबाजूला रेल्वेत बसून असलेल्या काही युवकांनी अश्लील शेरेबाजी व शिवीगाळ करून महिलेचा विनयभंग केला़. महिलेने युवकांना समजावून सांगण्याचा प्रयत्न केला असता युवकांनी आणखी छळ केला़. त्यामुळे त्यांनी या प्रकरणाची तक्रार रेल्वे पोलीस ठाण्यात दिल्यानंतर पाेलिसांनी सुरुवातीला अज्ञात आरोपींविरोधात भारतीय दंड विधानाच्या कलम ३५४, ३४ अन्वये गुन्हा दाखल केला़. त्यानंतर या प्रकरणाचा तपास करताना महिलेचा विनयभंग करणारे आराेपी अरबाज खान अयुब खान, सरफराज खान रसूल खान, शेख मुबतशीर शेख रऊफ, मोहम्मद नवाजुद्दीन मोहम्मद युसूफउद्दीन, शेख माजिद शेख महबूब सर्व राहणार नांदेड या पाच आरोपींना अटक केली़.

ही कारवाई रेल्वे पोलिस स्टेशनचे पोलीस निरीक्षक किरण साळवे यांच्या मार्गदर्शनात पीएसआय भिसे, अनिल अवचार, विलास पवार, नजमुद्दीन खतीब, सुधीर श्रीरामे, नितीन नखाते, हेमा गौर यांनी केली.