भरधाव ट्रॅक्टर वरून पडल्याने मजूराचा मृत्यू

शेषराव गणपत भटकर (५७) रा केळीवेळी असे मृतकाचे नाव आहे.

 मूर्तिजापूर : कुटार घेऊन केळीवेळी येथे जात असलेल्या भरधाव ट्रॅक्टर वरुन पडल्याने एका मजूराचा मृत्यू झाल्याची घटना लाखपूरी नजीक असलेल्या रेल्वे गेट दरम्यान १ मार्च रोजी रात्री १० :३० वाजताच्या दरम्यान घडली घडली. शेषराव गणपत भटकर (५७) रा केळीवेळी असे मृतकाचे नाव आहे.
              १ मार्च रोजी लोणी येथून केळीवेळी येथे ट्रॅक्टर क्रमांक एमएच ३० जे ७७०२ ने ट्रॉली भरुन कुटार नेत असताना तालुक्यातील ग्राम लाखपूरी जवळ रेल्वे गेट दरम्यान इतर मजुरांसह ट्रॅक्टरवर बसले असलेले ५७ वर्षीय शेषराव गणपत भटकर हे ट्रॅक्टरवरुन खाली पडल्याने त्यांचा घटनास्थळीच मृत्यू झाला. सदर ट्रॅक्टर चालक मालक दिपक वामन प्राजांळे याने ट्रॅक्टर मद्यधुंद अवस्थेत निष्काळजीपणाने व भरधाव वेगाने चालविल्याने सदरची घटना घडली असल्याची फिर्याद मृतकाचा पुतण्या नागेश केशवराव भटकर यांनी ग्रामीण पोलीसत दाखल केली. यावरुन पोलीसांनी आरोपी चालक दिपक प्रांजाळे याचे विरुद्ध कलम २७९,३०४अ कलमान्वये गुन्हा दाखल केला आहे. मृतक शेषराव भटकर यांच्या पश्चात दोन मुले, एक मुलगी व ८५ वर्षांची म्हातारी आई आहे. विशेष म्हणजे शेषराव भटकर हे ट्रॅक्टरवरुन खाली पडले असता ही बाब चालकासह इतर मजुरांच्या लक्षात आली नाही सदर ट्रॅक्टर केळीवेळी येथे रात्री उशिरा पोहचल्यानंतर भटकर ट्रॅक्टर वरुन गायब असल्याचे समजल्याने एकच खळबळ उडाली. (शहर प्रतिनिधी