युवक काँग्रेसच्यावतीने कर्तुत्ववान महिलांचा सन्मान

महाराष्ट्र प्रदेश युवक काँग्रेसच्यावतीने काँग्रेस नेते अविनाश देशमुख यांच्या मार्गदर्शनात प्रदेश युवक काँग्रेस महासचिव सागर कावरे पाटील यांच्यावतीने अकोला महानगरातील काही कर्तृत्ववान, कर्तबगार महिलांचा सन्मान करण्यात आला. काेराेना प्रतिबंधक नियमांचे पालन करून हा सन्मान साेहळा घेण्यात आला.

शहर वाहतूक शाखेत कार्यरत असलेल्या आणि संपूर्ण कोरोना काळात आपली जबाबदारी उत्कृष्टरीत्या पार पाडणाऱ्या नीता संके, १४ वर्षाआतील राज्यस्तरीय शालेय कुस्ती स्पर्धेत क्वाॅर्टर फायनल राऊडमधे गेलेली कु. किरण महेंद्र सुतार, वैद्यकीय क्षेत्रात कार्य करीत असताना व्यवसाय म्हणून न बघता सेवा म्हणून करणाऱ्या समाजसेविका डॉ. सीमाताई तायड़े, रक्तदान एक सामाजिक चळवळ म्हणून महिलांना रक्तदानाविषयी जागृत करणाऱ्या पतीच्या रक्तदानाच्या कार्यात हिरिरीने साथ देणाऱ्या सौ. पूजा विपुल माने, सामाजिक तथा विविध क्षेत्रामधे उल्लेखनीय कामगिरी करणाऱ्या सौ. पूजा प्रवीण काळे, कोविड काळात एकही सुटी न घेता जबाबदारी पार पाडणाऱ्या मनपा परिचारिका रेशमाताई बिकट, वडील ऑटोचालक आणि मुलगी स्वतःच्या जिद्दीच्या जोरावर आणि प्रचंड मेहनतीने एमबीबीएसमधे सेकंड इअरला शिकत असलेली कु. वैष्णवी विनोद बानोकार आदी कर्तृत्ववान महिलांचा सन्मान स्मृतिचिन्ह व पुष्पगुच्छ देऊन आज करण्यात आला.

यावेळी कपिल रावदेव, पंकज देशमुख, अंकुश भेंडेकर, नीरज खडसे, अभय ताले, महेंद्र सुतार, धीरज देशमुख, भूषण चतरकर, प्रदीप मोहोड़, विनीत काळमेघ, तुषार गावंडे, सुजय ढोरे, राहुल कावरे, सागर ढोरे हे उपस्थित होते.