अल्पवयीन मुलीचे लैंगिक शोषण करणारा युवक गजाआड
By admin | Published: May 23, 2014 10:45 PM2014-05-23T22:45:11+5:302014-05-24T20:37:32+5:30
अकोला : अल्पवयीन मुलीला लग्नाचे आमिष दाखवून तिचे लैंगिक शोषण करणार्या युवकास खदान पोलिसांनी शुक्रवारी दुपारी गजाआड केले. या प्रकरणी पोलिसांनी अद्याप युवकावर बलात्काराचा गुन्हा दाखल केला नाही. मुलीच्या आरोग्य तपासणीचा अहवाल प्राप्त झाल्यानंतर आरोपीवर गुन्हा दाखल करण्यात येईल.
अकोला : अल्पवयीन मुलीला लग्नाचे आमिष दाखवून तिचे लैंगिक शोषण करणार्या युवकास खदान पोलिसांनी शुक्रवारी दुपारी गजाआड केले. या प्रकरणी पोलिसांनी अद्याप युवकावर बलात्काराचा गुन्हा दाखल केला नाही. मुलीच्या आरोग्य तपासणीचा अहवाल प्राप्त झाल्यानंतर आरोपीवर गुन्हा दाखल करण्यात येईल.
मलकापूर परिसरात राहणारा कैलास हिरामण सावळे (३२) या विवाहित युवकाने परिसरातीलच एका १५ वर्षीय मुलीला लग्नाचे आमिष दाखवून तिला गुजरातमध्ये पळवून नेले. कैलास सावळे याने आपल्या मुलीला पळवून नेल्याची तक्रार अडीच महिन्यांपूर्वी तिच्या कुटुंबीयांनी खदान पोलिस ठाण्यात दाखल केली होती. पोलिसांनी आरोपीविरुद्ध भादंवि कलम ३६३, ३६६ नुसार गुन्हा दाखल केला होता. गुजरातला पळवून नेल्यावर त्याने या ठिकाणी एमआयडीसीमध्ये काम करून तो भाड्याने खोली करून मुलीसोबत राहू लागला. दरम्यान, कैलास सावळे याने अल्पवयीन मुलीसोबत शारीरिक संबंध प्रस्थापित केले. तब्बल दोन-अडीच महिने अल्पवयीन मुलीचे शोषण केल्यानंतर तो मुलीला घेऊन अकोल्यात परत आला. ही माहिती खदान पोलिसांना मिळताच त्यांनी त्याच्यावर लक्ष ठेवले आणि शुक्रवारी दुपारी त्याला गजाआड केले. आरोपी कैलास सावळे हा विवाहित असून, त्याला दोन लहान मुले आहेत. असे असतानाही त्याने पत्नी, दोन लहान मुलांना वार्यावर सोडले आणि अल्पवयीन मुलीला फूस लावून पळवून नेले. यासंदर्भात पीडित मुलीने खदान पोलिस ठाण्यात तक्रार दिली. पोलिसांनी मुलीच्या आरोग्याची तपासणी करण्यासाठी तिला सवार्ेपचार रुग्णालयामध्ये पाठविले आहे. तिच्या आरोग्य तपासणीचा अहवाल प्राप्त झाल्यानंतर खदान पोलिस आरोपीवर बलात्काराचा गुन्हा दाखल करणार आहेत.