संक्षिप्त प्रादेशिक

अमरावती : गाडगेनगर पोलीस ठाण्याच्या हद्दीतील श्रीहरीनगर येथे अजय कृष्णा लांजेवार याने सांडपाणी रस्त्यावर येत असल्याच्या कारणावरून पांडव कुटुंबाच्या घरापुढे येऊन तलवार उगारली. २६ मार्च रोजी ही घटना घडली. पोलिसांनी आर्म्स ॲक्टसह कलम ५०४, ५०६ अन्वये गुन्हा नोंदविला.

---------

तडीपार आरोपीला अटक

अमरावती : फ्रेजरपुरा पोलीस ठाण्याच्या हद्दीत किशोरनगर येथे पृथ्वी अशोक वानखडे (२३) या तडीपार गुंडाला पोलिसांनी अटक केली. दोन वर्षांकरिता तडीपार असताना, त्याने शहरात प्रवेश केला. याप्रकरणी त्याच्याविरुद्ध भादंविचे कलम १४२ अन्वये गुन्हा नोंदवून अटक केली.

-----------

युवकाला संपविण्याची धमकी

अमरावती : क्षुल्लक कारणावरून युवकाला संपविण्याची भाषा वापरणाऱ्या शेजाऱ्यांविरुद्ध गाडगेनगर पोलिसांनी भादंविचे कलम २९४, २८३, ५०४, ५०६, १०२, ११७ अन्वये गुन्हा नोंदविला. याप्रकरणी अजय किसनराव लांजेवार (३२, रा. अर्जुननगर) यांनी संजय पांडव व रजत पांडव (रा. अर्जुननगर) यांच्याविरुद्ध तक्रार दाखल केली.