अल्पवयीन मुलीचे अपहरण

अमरावती : बडनेरा ठाण्याच्या हद्दीतील अंजनगाव बारी रोडवरील विटाभट्टी परिसरातून एका अल्पवयीन मुलीचे अपहरण करण्यात आले. ही घटना शुक्रवारी उघडकीस आली. ४६ वर्षीय इसमाच्या तक्रारीवरून बडनेरा पोलिसांनी राहुल गणेश चव्हाण (२१, रा. आष्टी, जि. वर्धा) यांच्याविरुद्ध गुन्हा नोंदविला.

---------

लालखडीत घरफोडी

अमरावती : लालखडी परिसरात शुक्रवारी एक घरफोडीची घटना उघडकीस आली. नौशाद परविन मोहम्मद मुस्तकीन (२५ रा. लालखडी) हे कुटुंबीयांसह नाते‍वाइकाच्या लग्न समारंभात गेले होते. रात्री ते घरी परतले असता, त्यांना घराच्या दाराचे कुलूप तुटलेले दिसले. त्यांनी घरातील साहित्यांची पाहणी केली असता, चोराने आलमारीतील सोन्या-चांदीचे दागिने, तीन हजार रोख व एक मोबाईल चोरून नेल्याचे आढळून आले. नौशादच्या तक्रारीवरून नागपुरी गेट पोलिसांनी अज्ञाताविरुद्ध गुन्हा नोंदविला.

---------------------------------------------

बांधकामस्थळावरून लोखंडी साहित्य लंपास

अमरावती : बंदे नवाजनगरातील एका बांधकामस्थळावरून १५ हजार रुपये किमतीचे लोखंडी साहित्य चोराने लंपास केले. ही घटना शुक्रवारी उघडकीस आली. फारूख शाह इस्माईल शाह (४०, रा. नूरनगर) यांच्या तक्रारीवरून नागपुरी गेट पोलिसांनी अज्ञाताविरुद्ध गुन्हा नोंदविला.

------------------------------------------------