बडनेऱ्यातून अल्पवयीन मुलीचे अपहरण

बडनेरा : हद्दीतून एका अल्पवयीन मुलीला फुस लावून पळवून नेण्यात आले. ही घटना शनिवारी उघडकीस आली. कुटुंबीय मध्यरात्री झोपेतून उठल्यानंतर त्यांना घरात मुलगी दिसली नाही. त्यांनी सर्वत्र शोध घेतला. परंतु ती मिळाली नाही. त्यामुळे कुणीतरी पळवून नेल्याची शंका कुटुंबीयांना आली. या घटनेच्या तक्रारीवरून बडनेरा पोलिसांनी अज्ञाताविरुध्द गुन्हा नोंदविला.

000000000000000000000

महिलेचा हात पकडून विनयभंग

अमरावती : एका महिलेचा हात पकडून विनयभंग केल्याची घटना राजापेठ हद्दीतील झेंडा चौकात शनिवारी उघडकीस आली. अक्षय रामदास मंडवे (२८ रा. झेंडा चौक) असे आरोपीचे नाव आहे. महिला अंगणात कपडे वाळायला घालत असताना अक्षय हा घरात शिरला. त्याने हात पकडून विनयभंग केल्याचा आरोप महिलेने केला आहे. तक्रारीवरून राजापेठ पोलिसांनी अक्षय मंडवेविरुध्द विनयभंगाचा गुन्हा नोंदविला.

0000000000000000000000

तीन अवैध दारू विक्रेत्यांना अटक

अमरावती : अवैध दारुची विक्री करणाऱ्या तिघांना शहर पोलिसांनी विविध ठिकाणांवरून अटक केली. बडनेरा पोलिसांनी दाभा गावातील बसस्थानकाजवळ अविनाश अंबादास कोटांगळे (४१ रा. दाभा) याला अवैध दारूची विक्री करताना ताब्यात घेतले. त्याच्याकडून ६६० रुपयांची दारू जप्त केली. नागपुरी गेट पोलिसांनी विठ्ठल नत्थुजी नाकतोडे (७० रा. नागोबा ओटा) याच्या ताब्यातून १ हजार ६० रुपयांची दारू जप्त केली. वलगाव पोलिसांनी रेवसा येथे एका महिलेच्या ताब्यातून ६०० रुपयांची दारू जप्त केली आहे.