अमरावती- मुंबई एक्स्प्रेस २६ जानेवारीपासून धावणार

Amravati News गत १० महिन्यांपासून बंद असलेली अमरावती-मुंबई एक्स्प्रेस २६ जानेवारीपासून नियमित वेळेत धावणार आहे.

ठळक मुद्देमध्य रेल्वे विभागाचा निर्णय मंगळवारी रेल्वे बोर्डाच्या अधिसूचना जारी

 लोकमत न्यूज नेटवर्क  

अमरावती: कोरोना संसर्गामुळे लॉकडाऊन आहे. गत १० महिन्यांपासून बंद असलेली अमरावती-मुंबई एक्स्प्रेस २६ जानेवारीपासून नियमित वेळेत धावणार आहे. बहुप्रतीक्षेनंतर अंबा एक्स्प्रेस सुरू होत असल्याने पश्चिम विदर्भातील रेल्वे प्रवाशांना मोठा दिलासा मिळाला आहे.

अमरावती-छत्रपती शिवाजी महाराज टर्मिनस (गाडी क्रमांक ०२११२ ) ही गाडी विशेष म्हणून सुरू करण्याचा निर्णय  रेल्वे बोर्डाने स्पष्ट केले आहे. मुंबई-अमरावती (गाडी क्रमांक ०२१११) ही सीएसएमटी येथून २५ जानेवारी रोजी सुटणार असून, अमरावती रेल्वे स्थानकावर २६ जानेवारी रोजी सकाळी ७ वाजून ५५ मिनिटांनी पोहचेल. अमरावतीहून मुंबईकडे सायंकाळी ७ वाजून १० मिनिटांनी रवाना होईल. ही गाडी २२ डब्यांची असणार आहे. मुंबई. ठाणे, दादर, कल्याण, ईगतपुरी, नाशिक, जळगाव, भुसावळ, मलकापूर, नांदूरा, शेगाव, मूर्तिजापूर, बडनेरा व अमरावती असे थांबे या गाडीला राहतील. आरक्षण तिकीट घेऊनच प्रवास करावा लागणार आहे.