अंजनसिंगी ग्रामपंचायतचे कर्मचारी बेपत्ता

अंजनसिंगी : येथील ग्रामपंचायतीमधील ग्रामविकास अधिकारी, दोन पाणीपुरवठा कर्मचारी, लिपिक, चपराशी असे सर्व कार्यालयीन कर्मचारी सतत गैरहजर राहत असल्याने नागरिकांनी सरपंचांना निवेदन दिले. ग्रामविकास अधिकारी सतत गैरहजर राहत असल्यामुळे इतरही कर्मचारी त्याचा फायदा घेऊन बेपत्ता असतात. नागरिकांना महत्त्वाच्या कामासाठी ग्रामविकास अधिकाऱ्याची दोन ते तीन दिवस वाट बघावी लागते. कार्यालय बंद राहत असल्यामुळे संपर्क कुणाशी करावा, या विवंचनेत नागरिक, विद्यार्थी सतत असतात. ग्रामविकास अधिकारी यांची मनमानी थांबावी तसेच ते कार्यालयात नियमित हजर राहावे, या मागणीसाठी राहुल ठाकरे, कांचन राऊत, सुयोग पाठणे, विनोद वाळके, बंडू घावट, आदित्य भोंगाडे आदींनी सरपंच रूपाली गायकवाड यांना निवेदन दिले.

210921\img-20210921-wa0146.jpg

अंजन्सिंगी येथील ग्रामपंचायत कर्मचारी बेपत्ता बातमी फोटो