थोडक्यात बातम्या

अमरावती : जिल्हा परिषद स्थायी समितीची सभा गुरुवार, ३१ डिसेंबर रोजी दुपारी १ वाजता डॉ. पंजाबराव देशमुख सभागृहात आयोजित केली आहे. याप्रसंगी विविध विभागाच्या विषयावर चर्चा करून निर्णय घेतले जाणार आहेत.

............................................................................................

समाजकल्याण समिती सभा स्थगित

अमरावती : जिल्हा परिषद समाजकल्याण विषय समितीची सभा ३० डिसेंबर रोजी आयोजित करण्यात आली होती. मात्र सभापती दयाराम काळे, सदस्य प्रवीण तायडे, शरद मोहोड हे हजर असले तरी अन्य सदस्य गैरहजर असल्याने कोरम अभावी ही सभा स्थगीत करण्यात आली.

.........................................

पालक अधिकारी तालुका दौऱ्यावर

अमरावती : जिल्हा परिषदेच्या मुख्यकार्यकारी अधिकाऱ्यांनी १४ तालुक्यांसाठी विविध विभागाच्या खातेप्रमुखांची प्रत्येक तालुक्याचे पालक संपर्क अधिकारी म्हणून नियुक्ती केली आहे. हे सर्व पालक अधिकारी बुधवारी आपआपल्या तालुक्याच्या दौऱ्यावर होते. यावेळी त्यांनी पंचायत समितीतील विविध कामांचा आढावा घेतला.

.....................................................

दिव्यांगांना युआयडी कार्डवर प्रवास सवलत द्या

अमरावती : एसटी महामंडळाकडून बसमध्ये दिव्यांग व्यक्तींना प्रवासात सवलत दिली जाते. मात्र, काही तांत्रिक अडचणींमुळे सवलतीचा लाभ मिळत नव्हता. यामुळे दिव्यांगांना यु.आय.डी कार्डवर प्रवास सवलत देण्यात यावी, अशी मागणी अंपग जनता दलाने विभाग नियंत्रक यांच्याकडे केली होती. याची दखल घेऊन अंमलबजावणीचे आश्वासन शिष्टमंडळाला देण्यात आले.