संक्षिप्त बातम्या

मोर्शी : तालुक्यातील दापोरी येथे मद्यपी मुलाने वृद्ध पित्याच्या डोक्यावर बाशाने मारून जखमी केल्याची घटना २९ मार्च रोजी घडली. श्रीकृष्णा बडोदे (३६) याच्याविरुद्ध मोर्शी पोलिसांनी भादंविचे कलम ३२४, २०२ अन्वये गुन्हा नोंदविला.

------------------

महिलेला लाकडी उभारीने मारहाण

मोर्शी : महिलेच्या घरासमोर गुरांचा गोठा बनविण्याकरिता खड्डे केल्याने हटकले असता, उभारीने कमरेवर मारून जखमी करण्यात आल्याची घटना दहसूर येथे २७ मार्च रोजी घडली. महिलेच्या तक्रारीवरून मोर्शी पोलिसांनी आरोपी राजू मधुकर काकडे (४०, रा. दहसूर) विरुद्ध भादंविचे कलम ३२४, ५०४, ५०६ अन्वये गुन्हे नोंदविले.

---------------------------

पती-पत्नीच्या भांडणात तिसऱ्याने घेतला चावा

वरूड : पती-पत्नीच्या किरकोळ भांडणात शेजाऱ्याने समजावण्याचा प्रयत्न केला. मात्र, त्यांच्यातील वाद चावा घेण्यापर्यंत गेला. ३० मार्च रोजी चांदस येथे ही घटना घडली. युवराज दंडाळे (३५) यांच्या तक्रारीवरून वरूड पोलिसांनी निखिल रमेश बडोदेविरुद्ध गुन्हा नोंदविला.

--------------

लोखंड चोरांना हटकल्यावरून युवकाला मारहाण

मंगरुळ दस्तगीर : कामावरील लोखंड चोरताना आढळलेल्या तिघांपैकी एकाने युवकाला शिवीगाळ करून मारहण केल्याची घटना ३० मार्च रोजी समृद्धी महामार्गाच्या पुलावर आष्टा येथे घडली. लीलाधर अशोक गरवाल (३५) यांच्या तक्रारीवरून मंगरूळ दस्तगीर पोलिसांनी घनश्याम अशोक भगत, अनिल महादेवराव गरवाल, शंकर भीमराव शेंडे (तिघे रा. आष्टा) विरुद्ध गुन्हा नोंदविला.