संक्षिप्त पान २
By लोकमत न्यूज नेटवर्क | Published: January 14, 2021 04:12 AM2021-01-14T04:12:15+5:302021-01-14T04:12:15+5:30
फोटो - निधन माधुरी देशमुख अमरावती : माधुरी हनुमंतराव देशमुख (नांदसावंगीकर) (६५, रा. साईनगर) यांचे ९ जानेवारी रोजी निधन ...
फोटो - निधन
माधुरी देशमुख
अमरावती : माधुरी हनुमंतराव देशमुख (नांदसावंगीकर) (६५, रा. साईनगर) यांचे ९ जानेवारी रोजी निधन झाले. त्यांच्या पश्चात पती, मुलगा, मुलगी व बराच आप्तपरिवार आहे.
---------------
फोटो - हिवरखेड १३ एस
हिवरखेड येथे वृक्षारोपण हिवरखेड : येथील बिगीनर इंग्लिश स्कूल व कमलाबाई नामदेवराव आमले पब्लिक स्कूलमध्ये शाळेच्या आवारात वृक्षारोपण करण्यात आले. मुख्याध्यापक वैशाली आमले, शाळेचे संस्थापक अरविंद आमले, शिक्षक कल्पना महल्ले, निकिता वाघमारे, कमला आमले, रेखा आमले, वर्षा आमले, अभय होले, भूषण बेलसरे आदी उपस्थित होते.
------------
बकऱ्या चारण्यावरून वृद्धाला मारहाण
ब्राह्मणवाडा थ़डी : नजीकच्या खराळा शिवारात रामदास सुखदेवराव गजभे (५०) याने वासुदेव उके (७५) या वृद्धाला बकऱ्या येथे चारू नको , असे म्हणत शिवीगाळ केली व हातातील काठी हिसकून त्याने मारहाण केली. दोघेही बकऱ्या चारत होते. ते खराळा येथील रहिवासी आहेत. चांदूर बाजार पोलिसांनी गुन्हा नोंदविला आहे.
-------------़
मंगरूळ चव्हाळा येथे विवाहितेचा छळ
गुरुकुंज मोझरी : ३० वर्षीय महिलेचा सासरी मंगरूळ चव्हाळा येथे माहेरहून २५ लाख रुपये आणण्यासाठी छळ करण्यात आला. याप्रकरणी ब्राह्मणवाडा थडी पोलिसांनी भादंविचे कलम ४९८ (अ), ३४ अन्वये श्रीकांत ज्ञानेश्वर शहाळे. ज्ञानेश्वर शंकर शहाळे, अमोल ज्ञानेश्वर शहाळे व एका महिलेविरुद्ध गुन्हा नोंदविला.
------------
अल्पवयीन मुलीला फूस लावून पळविले
बेलोरा : अल्पवयीन मुलीला फूस लावून पळविल्याची तक्रार १२ जानेवारी रोजी ब्राह्मणवाडा थडी पोलीस ठाण्यात दाखल झाली. ३१ डिसेंबर रोजी ही घटना घडली. शुभम राऊत (रा. नेरपिंगळाई) याच्याविरुद्ध पोलिसांनी गुन्हा नोंदविला.
-------------
धारणी येथे दोन दुचाकींची धडक
धारणी : दुनी येथे एमएच २७ सीएल३२९६ क्रमांकाच्या दुचाकीने निघालेल्या ५० वर्षीय महिलेला एमपी १२ एमएच ६०९२ क्रमांकाच्या दुचाकीने धडक दिली. बोड फार्मजवळ ही ८ जानेवारी रोजी घडली. पोलिसांनी गुन्हा दाखल केला.
-----------
मुलाला पित्याची काठीने मारहाण
तिवसा : तालुक्यातील मोझरी येथील प्रेमानंद पुंडलिकराव कांडलकर हा भावाला समजाविण्यास गेला असता, पुंडलिकराव कांडलकर (५०) याने त्याला काठीने मारहाण केली. १२ जानेवारी रोजी ही घटना घडली. तिवसा पोलिसांनी गुन्हा दाखल केला आहे.
-------------
तळणी शिवारातून दुचाकी लंपास
मोर्शी : तालुक्यातील तळणी शिवारातून सुनील वामनराव बुरंगे (४५, रा. आनंदनगर, मोर्शी) यांची दुचाकी लंपास करण्यात आली. ८ जानेवारी रोजी ही घटना घडली. ते एमएच ३२ एजी ०९६५ क्रमांकाच्या दुचाकीने शेतातून कापूस नेण्याकरिता गेले होते.
------------
पत्नीच्या अंगावर फेकली गरम भाजी
शेंदूरजनाघाट : नजीकच्या वाई येथे दारू पिण्यासाठी पैसे देण्यास नकार मिळाल्याने कैलास बाबूराव आहाके (३०) याने चुलीवर ठेवलेल्या मासोळीच्या भाजीचे आंदण पत्नी छायावर भिरकावले. त्याती ती भाजली. याप्रकरणी शेंदूरजनाघाट पोलिसांनी भादंविचे कलम ३२६ अन्वये गुन्हा दाखल केला.
-----------
अल्पवयीन मुलीला फूस लावून पळविले
जरूड : वरूड पोलीस ठाण्याच्या हद्दीतील एका गावातून अल्पवयीन मुलीला अज्ञात व्यक्तीने फूस लावून पळवून नेल्याची तक्रार १२ जानेवारी रोजी दाखल करण्यात आली. याप्रकरणी पोलिसांनी भादंविचे कलम ३६३ अन्वये गुन्हा नोंदविला.
------------
मकर संक्रांतीनिमित्त लावली दुकाने
टाकरखेडा संभू : मकर संक्रांतीच्या पर्वावर कामनापूर-निमखेड फाट्यावर निमखेडा येथील वेदांत तुकाराम महिंगे, धीरज पांडुरंग महिंगे, आशिष नीलेश मानकर, अमित पाटील, अविनाश सुधाकर महिंगे, आकाश प्रमोद धरपाळ या चिमुकल्यांनी बोरवनातील बोरे बोर वेचून छोटेसे दुकान मांडले. त्यांच्या उपक्रमाचे कौतुक होत आहे.
------------