वडनेरकर वाडीत घरफोडी

अमरावती : बडनेरा ठाण्याच्या हद्दीतील वडनेरकर वाडीत गुरुवारी चोरीची घटना उघडकीस आली. चोरांनी कृषी सहायकांच्या घराचे कुलूप तोडून १० हजार रुपये रोख लंपास केली. दीपक प्रकाश पांडे (३५ रा. वडनेरकरवाडी) हे दर्यापूर येथील कृषी विभागात कार्यरत आहे. गुरुवारी सकाळी १० वाजता त्यांचे कुटुंबीय घराला कुलूप लावून बाहेर गेले होते. दरम्यान चोरांनी घराचे कुलुप तोडून आलमारीतील १० हजारांची रोख लंपास केली. दीपक पांडे यांच्या तक्रारीवरून बडनेरा पोलिसांनी अज्ञाताविरुध्द गुन्हा नोंदविला.

-------------------------------------------------

दारुच्या बॉटलीचा काच मारून केले जखमी

अमरावती : दारूसाठी पैसे न दिल्याने एका इसमाला बॉटलीचा काच मारून जखमी करण्यात आले. ही घटना गुरुवारी नवसारी परिसरात घडली. संतोष रामदेव चक्रे (४७ रा. नवसारी) हे घराबाहेर उभे असताना, त्यांना प्रकाश भीमराव चक्रे (रा. नवसारी) यांनी दारू पिण्यासाठी २० रुपये मागितले. या कारणावरून प्रकाशने दारूच्या बॉटलीने संतोषवर वार केले. तक्रारीवरून गाडगेनगर पोलिसांनी नोंदविली. त्यानुसार पोलिसांनी प्रकाश चक्रेविरुध्द गुन्हा नोंदविला.

-----------------------------------------------

राठीनगरातून दुचाकी लंपास

अमरावती : राठीनगरातील जय माता दी मंदिर परिसरातून एमएच २७ बीजे ५०३६ दुचाकी अज्ञाताने लंपास केल्याची घटना गुरुवारी उघडकीस आली. शंकर नानाजी नागपुरे (५५ रा. एकवीरा विद्युतनगर) त्यांच्या तक्रारीवरून गाडगेनगर पोलिसांनी गुन्हा नोंदविला.