जिल्ह्यात ५९ बसेस कोरोना फ्री; प्रवासी मात्र बेफिकीर !

एसटीला अँटिमायक्रोबियल केमिकल कोटिंग: कोरोना नियमांची अंमलबजावणी आवश्यक

जितेंद्र दखने

अमरावती : कोरोनाच्या पार्श्वभूमीवर एसटी महामंडळाच्या बसेसना अँटिमायक्रोबियल केमिकल कोटिंग करण्यात येत आहे. ही प्रक्रिया सुरू झाली असून, ३६८ बसेसपैकी २३८ बसेस अँटिमायक्रोबियल केल्या जाणार आहेत. आतापर्यंत पहिल्या टप्प्यात ५९ बसेस अँटिमायक्रोबियल कोटिंग करण्यात आल्या आहेत. त्यामुळे प्रवाशांना विषाणूपासून सुरक्षाकवच मिळणार आहे. या बसेस कोरोना फ्री झाल्या असल्या तरी प्रवासी मात्र बेफिकीर असल्यासारखे वागत आहेत. अँटिमायक्रोबियल केमिकल कोटिंग प्रक्रिया बसेसमध्ये एवढ्या मोठ्या प्रमाणात करणारी एसटी पहिली वाहतूक संस्था आहे. एसटी बसमध्ये अनेक ठिकाणी प्रवासी स्पर्श करतात. ज्यामुळे कोरोना व इतर विषाणूंच्या प्रचाराचा धोका असतो. तो टाळण्यासाठी एसटीने बसेसना अँटिमायक्रोबियल केमिकल कोटिंग करण्याचा निर्णय घेतला आहे.

बॉक्स

५९ बसेसना कोटिंग

अमरावती ५२-४६

बडनेरा ३४-१३

दर्यापूर २७-००

परतवाडा ३३-००

चांदुर बाजार २१-००

वरुड ३०-००

मोर्शी २३-००

चांदुर रेल्वे २१-००

बॉक्स

एका एसटीला वर्षातून सहा वेळा होणार कोटिंग

एसटीला अँटिमायक्रोबियल कोटिंग केल्यानंतर जवळपास दोन महिने प्रवाशांना सुरक्षा मिळणार आहे.

प्रत्येक दोन महिन्याला एसटीचा खर्च ९ हजार ५०० रुपये आहे, तर एका एसटीला वर्षातून ६ वेळा कोटिंग केली जाईल. यापूर्वी थेट विमान कंपन्या या तंत्राचा उपयोग करत होत्या.

बॉक्स

बांधित व्यक्ती उठून गेल्यानंतर धोका नाही, पण बाजुलाच बसला असल्यास?

एसटीची प्रवासी वाहतूक सुरळीत सुरू झाली आहे. मात्र, बहुतांश प्रवासी मास्क वापरत नाहीत. त्यामुळे धोका आणखी वाढला आहे.

अशातच एसटी बसमध्ये एखादा कोरोना पॉझिटिव्ह असल्यास इतर प्रवाशांची चिंता वाढणार आहे.

बॉक्स

विषाणू नष्ट करण्याची क्षमता

एसटीला अँटिमायक्रोबियल कोटिंग करण्यात येत आहे. प्रवाशांनी बसच्या गेटचे हँडल, सीटच्या पुढील हँडल आणि इतर भागाला हात लावला आणि त्याच्या हातावर विषाणू असला तरी कुठलाही विषाणू नष्ट करण्याची क्षमता या कोटिंगमध्ये आहे. यासाठी खासगी एजन्सीची नियुक्ती करण्यात आल्याची माहिती आहे.

बॉक्स

प्रवासी म्हणतात

एसटीमध्ये अँटिमायक्रोबियल केमिकल कोटिंग करण्यात आल्याने कोरोनाचा धोका कमी होणार आहे. मात्र, प्रवासादरम्यान काही प्रवासी विनामास्क दिसून आले. कोरोना प्रतिबंधात्मक नियम पाळणे आवश्यक आहे.

देवेंद्र कावरे, प्रवासी

कोट

कोरोनाची रुग्ण संख्या कमी झाल्याने निर्बंध उठल्यानंतर पुन्हा बसने प्रवास सुरू केला आहे. परंतु यावेळी प्रवासी सोशल डिस्टन्सिंग पाळताना दिसून येत नाहीत. त्यामुळे धोका आणखी वाढू शकतो.

आशिष मानकर, प्रवासी