कोरोना पॉझिटिव्ह रुग्णाची गळफास घेऊन आत्महत्या

अमरावती : कोरोना पॉझिटिव्ह असलेल्या एका ४३ वर्षीय इसमाने राहत्या घरी गळफास लावून आत्महत्या केल्याने एकच खळबळ उडाली. ही घटना १८ मार्च रोजी राजापेठ ठाणे हद्दीतील महावीरनगरात घडली.

सदर इसम कोरोना पॉझिटिव्ह असल्याची माहिती नातेवाईकांनी इर्विनच्या डॉक्टरांना दिली. त्यामुळे शवविच्छेदनाकरिता आणलेल्या मृतदेहाचे शवविच्छेदन(पीएम) करण्यास डॉक्टरांनी नकार दिला. त्यानंतर मृतदेहावर कोरोना नियमावलीनुसार शनिवारी अंत्यसंस्कार करण्यात आले. याप्रकरणी राजापेठ पोलिसांनी आकस्मिक मृत्यूची नोंद केली. पोलिसांना घटनास्थळी सुसाईड नोट आढळून आली. त्यात पोटाचा आजार असल्याने आत्महत्या करीत असल्याचा उल्लेख होता. त्यानंतर छातीत कप दाटला असल्याचे सुसाईड नोटमध्ये लिहिले असल्यामुळे पोलिसांना शंका आल्याने मृताने कोरोना चाचणी केली होती का? यासंदर्भात विचारणा करण्यात आली. त्यानंतर पोलिसांनी दोन दिवस पीएम न करता अहवाल येण्याची प्रतीक्षा केली. सदर इसम पॉझिटिव्ही निघाल्याने डॉक्टरांनी पीएम करण्यास नकार दिला, अशी माहिती ठाणेदार मनीष ठाकरे यांनी दिली.