CoronaVirus News in Amravati: अमरावतीमध्ये आणखी सात पॉझिटिव्ह; कोरोनाग्रस्तांची एकूण संख्या ३५ वर
By ऑनलाइन लोकमत | Published: April 30, 2020 01:54 PM2020-04-30T13:54:56+5:302020-04-30T13:55:22+5:30
CoronaVirus Marathi News Updates in Amravati हॉटस्पॉटच्या बाहेरही ७ बाधित निष्पन्न झाल्याने समूह संक्रमणाची भीती
CoronaVirus News in Amravati: अमरावतीमध्ये आणखी सात पॉझिटिव्ह; कोरोनाग्रस्तांची एकूण संख्या ३५ वर
अमरावती: शहरात कोरोना आता चांगलाच पाय फैलावू लागला आहे. सात व्यक्तींचा नमुना चाचणी अहवाल गुरुवारी दुपारी १२ वाजता पॉझिटिव्ह प्राप्त झाल्याने कोरोनाग्रस्तांची एकूण संख्या ३५ वर पोहोचली. क्लस्टर हॉटस्पॉटच्या बाहेरही ७ बाधित निष्पन्न झाल्याने समूह संक्रमणाची भीती निर्माण झाली आहे.
जिल्हा प्रशासनाने दिलेल्या माहितीनुसार, गुरुवारी खोलापुरी गेट येथील २७ वर्षीय माहिला व ३९ वर्षीय पुरुष, हनुमान नगरातील ६५ वर्षीय महिला व ४५ वर्षीय पुरुष तसेच कंवर नगरातील ७८ वर्षीय महिला तसेच ४८ व ४५ वर्षांचा पुरूष, असे एकूण सात व्यक्तीचा नमुना चाचणी अहवाल पॉझिटिव्ह आलेला आहे. या सर्व व्यक्ती सध्या येथील कोविड रुग्णालयात संस्थात्मक विलगीकरणात आहेत. त्यांना दुसऱ्या माळ्यावरील कोविड कक्षात दाखल केले आहे.
