यवतमाळ मार्गावर जीवघेणे खड्डे

अमरावती : बडनेरा ते धानोरा गुरव दरम्यान यवतमाळ मार्गावर जागोजागी खड्डे पडले आहे. त्यामुळे वाहन चालकांना अपघाताची शक्यता बळावली आहे. सार्वजनिक बांधकाम विभागाने रस्त्यावरील खड्डे दुरूस्ती करावे, अशी मागणी आहे.

---------------

बांबू गार्डन मार्गावरील रस्ता नादुरुस्त

अमरावती : स्थानिक वडाळी बांबू गार्डन मार्गावरील रस्ता नादुरुस्त आहे. परिणामी या मार्गावरून ये-जा करणाऱ्या वाहनचालकांना धोका पत्करून वाहन चालवावे लागत आहे. हल्ली बांबू गार्डन बंद असले तरी वडाळी वनविभागाचे अधिकारी, कर्मचाऱ्यांना नियमित ये-जा करावी लागते.

----------------------------

नवीन बायपासवरील वळण रस्ता धोकादायक

अमरावती : नवीन बायपासवर वडाळी भागाकडे वळण रस्ता धोकादायक ठरत आहे. हा मार्ग पूर्णत: उखडला असून, वाहनांची वर्दळ परिसरातील नागरिकांसाठी डोकेदुखी ठरत आहे. रस्त्यावरील गिट्टी उघडी पडल्यामुळे अपघाताची भीती निर्माण झाली आहे.