पिंपळखुटा-निंभी पांदण रस्त्याची मागणी

मोर्शी : तालुक्यातील पिंपळखुटा मोठा ते निंभी पांदण रस्ता वर्षानुवर्षे खितपत पडला असून, शेतकऱ्यांना शेतमाल वाहतूक करताना असह्य त्रास होत आहे. या रस्त्याच्या निर्मितीसाठी मोर्शीचे आमदार देवेंद्र भुयार यांनी निवेदन सादर केले.

पांदण रस्त्याची मागणी अनेक वर्षांपासून शेतकरी करीत आहेत. परंतु, प्रश्न निकाली निघाला नाही. या मार्गाने वर्षानुवर्षे शेतमाल आणताना शेतकरी जिकरीस आला आहे. ही बाबा गावकऱ्यांनी मोर्शी मतदारसंघाचे अमदार देवेंद्र भुयार यांच्या निदर्शनास आणूण दिली असता, त्यासाठी आवश्यक कागदपत्रांची पूर्तता करण्यास सांगितले . त्यानुसार गावकऱ्यांनी आ. भुयार यांना ठरावासह निवेदन सादर केले. यावेळी अनिल अमृते, बंडू अढावू, मोहन सायवान, नंदकिशोर केदार, अमोल निकम, विपुल व्यास, राजेश मगर्दे, भारत मरकाम आदी शेतकरी उपस्थित होते.