जिल्हा ग्रामसेवक युनियनची निवडणूक बिनविरोध

अध्यक्ष कमलाकर वनवे, सरचिटणीसपदी आशिष भागवत

अमरावती : महाराष्ट्र राज्य ग्रामसेवक युनियन डीएनई १३६ जिल्हा शाखेची सन २०२१ ते २०२६ ची पंचवार्षिक निवडणूक शनिवार, २४ जुलै रोजी ग्रामसेवक भवन येथे पार पडली.यामध्ये ग्रामसेवक युनियनच्या जिल्हाध्यक्षपदी सलग पाचव्यांदा कमलाकर वनवे यांची अध्यक्ष म्हणून, तर सरचिटणीसपदी आशिष भागवत यांची बिनविरोध निवड करण्यात आली आहे.

महाराष्ट्र राज्य ग्रामसेवक युनियन जिल्हा शाखेच्या विद्यमान पदाधिकाऱ्यांचा पाच वर्षांचा कार्यकाळ गत फेब्रुवारी महिन्यात संपुष्टात आला. त्यामुळे जिल्हा कार्यकारणीची निवडणूक, निवडणूक निरीक्षक प्रशांत जामोदे, चॉंद कुरेशी, उल्हास मोकलकर आदींच्या उपस्थितीत आणि निवडणूक निर्णय अधिकारी पुरुषोत्तम गांवडे यांच्या मार्गदर्शनात घेण्यात आली. यात ग्रामसेवक युनियनचे जिल्हाध्यक्ष म्हणून कमलाकर वनवे, सरचिटणीस आशिष भागवत, कार्याध्यक्ष विनोद तट्टे, महिला उपाध्यक्ष पुष्पा भुयार, कोषाध्यक्ष नंदलाल पातालिया, उपाध्यक्ष म्हणून प्रवीण गिऱ्हे, दीपक राठोड, प्रदीप निचळे, पुरुषोत्तम राऊत, सहसचिव प्रशांत टिंगणे, मनीष इंगोल, महिला संघटक पौर्णिमा अडकने, संघटक सुनील मोंढे, योगेश उमक, राजेश भंडागे, जिल्हा समन्वयक राजकुमार चांदूरकर, सल्लागार वीरेंद्र कोकाटे, सुनील केने, लेखापरीक्षक कमलाकर घोंगडे, प्रसिध्दीप्रमुख रूपेश वानखडे, प्रवीण साखरे यांची बिनविरोध निवड करण्यात आली. यावेळी ग्रामसेवक युनियनचे आजी-माजी पदाधिकारी व सभासद उपस्थित होते.