अज्ञात वाहनाच्या धडकेत दिव्यांग युवक ठार

-------------------

तिवस्यात लोखंडी सुऱ्याने वार तिवसा : शहरातील आनंदवाडी येथील श्रीकृष्ण महादेवराव सडमाके या युवकाला याच परिसरातील गुरजित टाक नामक दारूड्या व्यक्तीने केस लावण्याच्या सुरीने वार केला. यामुळे कानामागे चिरा पडून जखमी झाल्याची फिर्याद नोंदविण्यात आली. तिवसा पोलिसांनी गुन्हा दाखल केला आहे.

------------

माळीपुरा येथून दुचाकी लंपास

मोर्शी : शहरातील माळीपुरा येथील रूपेश गणेश लोहकपुरे यांची एमएच २७ एजी १३०४ क्रमांकाची दुचाकी अज्ञात चोरट्याने २ सप्टेंबर रोजी रात्री घरापुढून लंपास केली. याप्रकरणी मोर्शी पोलिसांनी गुन्हा नोंदविला.

--------------

पत्नीच्या डोक्यावर बांबूने मारले

शेंदूरजनाघाट : नजीकच्या मलकापूर येथे संशयाच्या कारणावरून रोशन प्रल्हाद तागडे (३५) याने पत्नी (२९) ला डोक्यावर बांबूच्या काठीने मारून जखमी केले. पत्नीच्या तक्रारीवरून शेंदूरजनाघाट पोलिसांनी गुन्हा नोंदविला.

------------

अंजनगावात युवकाला मारहाण

अंजनगाव सुर्जी : शहरातील मोमीनपुरा येथील सादिक (३४) याला तुझा भाऊ कुठे आहे, असे विचारून कपाळावर चाकू मारण्यात आला तसेच पाईप व लाथाबुक्क्यांनी मारहाण करण्यात आली. याप्रकरणी जकाउल्ला खान सकाउल्ला खान व त्याचा भाऊ (दोन्ही रा. मोमीनपुरा), मोहम्मद अली, अ. राजिक अ. रशीद (दोन्ही रा. पिंजारपुरा) यांच्याविरुद्ध पोलिसांनी गुन्हा नोंदविला.