श्वान चोरून नेला( सारांश)

---------------------------------------------------------------

पाढंरी पुनर्वसन येथे दारू जप्त

अमरावती : पांढरी पुनर्वसन हातुर्णा येथे अन्य एका कारवाईत आरोपी दशरथ पुंडलिक कांबळे (६०, रा. हातुर्णा) याच्या ताब्यातून पोलिसांनी ४८० रुपयांची अवैध दारू शुक्रवारी जप्त केली. आरोपीविरुद्ध बडनेरा पोलिसांनी गुन्हा नोंदविला.

-------------------------------------------------------------

भाजीबाजारात दारू पकडली

अमरावती : खोलापुरीगेट पोलिसांनी शुक्रवारी भाजीबाजारात कारवाई करून अवैध दारू दुचाकी असा २२ हजार ४८८ रुपयांचा मुद्देमाल जप्त केला. आरोपी राजेश शिवनारायण जैस्वाल (४२, रा. अंबागेट अमरावती) याच्याविरुद्ध गुन्हा नोंदविला आहे.

-------------------------------------------

क्षुल्लक कारणावरून मारहाण

अमरावती : क्षुल्लक कारणावरून वाद घालून एका इसमाच काठीने मारहाण करण्यात आल्याची घटना भीमनगरात शुक्रवारी घडली. याप्रकरणी कुंदन थोरात व एक महिला ( रा. भीमनगर) याच्यांवर गुन्हा नोंदविला. फिर्यादी हरिदास श्रीराम सावळे (५०, रा. भीमनगर) यांनी तक्रार नोंदविली.

----------------------------------------------

कॉटनग्रीन कॉलनीतून मोबाईलची चोरी

अमरावती : गाडगेनगर ठाण्याच्या हद्दीत येणाऱ्या कॉटनग्रीन कॉलनीत फिर्यादीच्या घरासमोर दुचाकीच्या डिक्कीत ठेवलेला १० हजार रुपये किमतीच्या मोबाईलची चोरी अज्ञाताने केल्याची घटना गुरुवारी घडली. फिर्यादी जयवंत यशवंत लोही (४३, रा. कॉटनग्रीन कॉलनी) यांच्या तक्रारीवरून पोलिसांनी गुन्हा नोंदविला.