वरूड, चिखलदरा, तिवसा तालुक्यातील सरपंच निवड

राष्ट्रवादीचा एका ग्रामपंचायतीवर झेंडा : देऊतवाड्यात काँग्रेस-भाजप युतीचा सरपंच !

वरूड : तालुक्यातील १० ग्रामपंचायतींच्या सरपंचपदाची निवड गुरूवारी करण्यात आली. यामध्ये पुसला, घोराड, हातुर्णा ग्रामपंचायतींवर काँग्रेसचे सरपंच, तर वडाळा, ईत्तमगाव, पवनी येथे भाजप समर्थित सरपंच विराजमान झाले. राष्ट्रवादीला मांगरूळी आणि महाविकास आघाडीला आमनेर आणि कुरळीचे सरपंचपद मिळाले. देऊतवाड्यात काँग्रेस-भाजप युतीचा सरपंच विराजमान झाला.

पुसला येथे धनराज बमनोटे, निखिलेश खंडेलवाल, घोराड येथे शिल्पा गोडबोले, हरिदास उमाळे, हातुर्णा येथे शिवाजी ठाकरे, वैशाली कुरवाळे, वडाळा येथे नम्रता निकम, मनीषा उईके, ईत्तमगाव येथे प्रवीण मानकर, प्रांजली लांडे, पवनी येथे कल्पना खंडार, बंडू गोळे, मांगरूळी येथे राजेंद्र घोरमाडे, प्रकाश ब्राम्हण, आमनेर येथे नीलेश धारगे, इमरान दिवाण, कुरळी येथे दुर्गा कुकडे, शोभा धामोडे, देऊतवाड्यात बाली काळबांडे, मोरेश्वर चौधरी अनुक्रमे सरपंच व उपसरपंचपदी विराजमान झाले.

----------------------

चिखलदरा तालुक्यात सरपंच विराजमान

चिखलदरा : तालुक्यातील खिरपाणीच्या सरपंचपदी निशा सुरत्ने, उपसरपंचपदी सिताराम जामूनकर यांची निवड झाली. आमझरी येथे विमल धांडे, वासुदेव हेकडे, काकादरी येथे रवींद्र मावस्कर, सुनील मावस्कर, आढाव येथे जसमाय मावस्कर, मोतीलाल धांडेकर,

खटकाली येथे जयकिशोर गवते, शंकर टेकाम यांची अनुक्रमे सरपंच, उपसरपंचपदी निवड करण्यात आली.

--------------

तिवसा तालुक्यात सरपंचांची निवड

तिवसा : तालुक्यातील एकूण २९ ग्रामपंचायत निवडणुका पार पडल्यानंतर सरपंचपदाच्या आरक्षण सोडतीनुसार गुरुवारी तिवसा तालुक्यातील दहा ग्रामपंचायतींची सरपंच व उपसरपंचपदाची निवडणूक पार पडली.

सारसी सरपंचपदी रीना मंजू व उपसरपंचपदी नंदू तेलमोरे यांची निवड झाली. मूर्तिजापूर तरोडा येथे प्रियंका गडलिंग व छाया वेरुळकर, शिरजगाव (मोझरी) निरंजन कडू व प्रीती खोंडे, कुऱ्हा येथे मीना नायर व सलीम खान, धोत्रा येथे भूषण गाठे व सीमा राऊत, मार्डी येथे गंगा गोरे व राहुल मनोहर, मार्डा येथे रविना अवधूत अंबुरे व कल्याणी दुर्वे, चेनुष्टा येथे जयश्री आमले व विनोद ढोणे यांची

अनुक्रमे सरपंच, उपसरपंचपदी निवड झाली आहे.