९३ ग्रा.पं.च्या १४७ रिक्त पदांसाठी होणार निवडणूक

जिल्ह्यात आॅगस्ट महिन्यात कार्यकाळ संपणाऱ्या १८ ग्रामपंचायतींच्या सार्वत्रिक व ९३ ग्रामपंचायतीच्या ...

आॅगस्ट २०१५ मध्ये संपणार मुदत : १८ ग्रामपंचायतींच्या सार्वत्रिक निवडणुका
अमरावती : जिल्ह्यात आॅगस्ट महिन्यात कार्यकाळ संपणाऱ्या १८ ग्रामपंचायतींच्या सार्वत्रिक व ९३ ग्रामपंचायतीच्या १४७ रिक्त पदांसाठी जुलै महिन्यात निवडणूक होण्याची शक्यता आहे. या ग्रामपंचायतींच्या मतदार यादींचा कार्यक्रम सध्या सुरु आहे. अंतिम यादी प्रसिद्ध झाल्यानंतर निवडणुकीची प्रक्रिया सुरु होणार आहे.
यासर्व ग्रामपंचायतींचा कालावधी आॅगस्ट महिन्यात संपणार आहे. त्यापूर्वी निवडणूक घेण्यासाठी प्रशासन तयारीला लागले आहे. सार्वत्रिक निवडणुकीमध्ये चिखलदरा तालुक्यातील ५, धारणी १, अचलपूर १, नांदगाव खंडेश्वर ७, भातकुली १, धामणगाव रेल्वे २ व चांदूररेल्वे १ अशा १८ ग्रामपंचायतींचा समावेश आहे. पोटनिवडणुकांमध्ये सोनापूर, टेभु्रसोंडा, हतरु, रुईपठार, चिचखेडा, आमझरी, रायपूर, आडनदी, कोहाणा, या ग्रामपंचायतींच्या रिक्त पदांची निवडणूक होणार आहे. तिवसा तालुक्यात सार्सी, दापुरी खुर्द, पूर्णा, धोत्रा, अनकवाडी, कनाडगव्हाण, डेहणी, निंभोरा या ग्रामपंचायतींच्या रिक्त पदांची निवडणूक होणार आहे. अमरावती तालुक्यामधील बोरगाव धर्माळे, कस्तुरा मोगरा, वाघोली, नांदुरा बुजरुक, इंदला, कुंडसर्जापूर ग्राम पंचायतींच्या रिक्त पदांचा समावेश आहे. चांदूररेल्वे तालुक्यात कळमजापूर, सातेफळ, पाथरगाव ग्रामपंचायतींच्या रिक्त पदांसाठी निवडणूक होणार आहे.
नांदगाव खंडेश्वर तालुक्यात पिंपळगाव निपाणी, सिद्धनाथपूर, जामगाव, जनुना, खिरसाना, नांदसावंगी, भगुरा येथील रिक्त पदाची निवडणूक होणार आहे. धारणी तालुक्यात सालई, नांदुरी, जांबू, राणीतंबोळी, कुटुंगा, रंगुबेली, हिराबंबई, कारादा, चखाबौंड, गोलाई, रेहट्या, दादरा, शिरपूर, काटकुंभ, बेदराबल्डा, खाऱ्याटेभरु, हरदोली, नागझीरा, बैरागड व पानखाल्या ग्रामपंचायतींच्या रिक्त पदांची निवडणूक होणार आहे. दर्यापूर तालुक्यात करतखेडा, घोडनदी, कळासी, लेहगाव येथील रिक्त पदांसाठी निवडणूक होणार आहे. चांदूरबाजार तालुक्यात खरपी, खराळा, मिर्झापूर, तळणीपूर्णा, गोविंदपूर, कलोडी, मासोद, ग्रामपंचायतींमधील रिक्त पदांसाठी निवडणूक होत आहे.
वरुड तालुक्यात गणेशपूर, गोरेगाव व उसाड येथील रिक्त पदांसाठी निवडणूक होत आहे. भातकुली तालुक्यात गणोरी, मार्की, हातखेडा, जसापूर, कुमागड कुंड, बैलमारखेडा, साऊर, कवठा बहाळे, हातुर्णा, परलाम या ग्रामपंचायतींच्या रिक्त पदांचा समावेश आहे. मोर्शी तालुक्यात मायवाडी, वऱ्हा, शिरुर, गोशळा, बेलोणा या ग्रामपंचायतींच्या रिक्त पदांसाठी निवडणूक होणार आहे. (प्रतिनिधी)