आता जगायचे कसे? घरगुती गॅस सिलिंडरच्या दरात २६ रुपयांची वाढ

अमरावती : बदलत्या जीवनशैलीनुसार घरगुती गॅस सिलिंडर आता सर्वांची गरज बनली आहे. एकीकडे कोरोनाच्या महामारीत रोजगार गेला. अनेकांचा गाठीशी असलेला पैसा खर्च झाला. अशातच महागाईनेही तोंड वर काढले आहे. नियमित वापरातील घरगुती सिलिंडरचे दरही दर महिन्यात उसळी घेत आहे. जुलै महिन्याच्या १ तारखेलाच थेट २६ रुपयांनी उसळी घेतल्याने ग्राहकांना ८५९.५० रुपये, तर १६८२.५० रुपयांत व्यावसायिक सिलिंडर खरेदी करावे लागत आहे. मात्र, मिळणारे सिलिंडर अनुदान ग्राहकांच्या खिशाला कात्री लावणारे ठरत आहे. जिल्ह्यातील चौदाही तालुक्या ०० घरगुती गॅस सिलिंडर ग्राहक असून, ००० एजन्सीधारकांकडून त्यांना नियमित सिलिंडर पुरवठा केला जातो. वर्षभरापासून कोरोनाचा प्रादुर्भाव वाढता राहिल्याने या काळात सिलिंडरच्या दराचाही भडका उडाला आहे. यावर्षी जानेवारी महिन्यापासून आजपर्यंत घरगुती गॅस सिलिंडरमध्ये ०० रुपयांनी वाढ झालेली आहे. त्यामुळे आता नाईलाजास्तव महागडे सिलिंडर विकत घ्यावे लागत आहे. कोट

कोरोनाच्या महामारीत महागाईचाही भडका उडाला आहे. त्यामुळे घरखर्च करताना मोठी अडचण निर्माण झाली आहे. जानेवारीपासून सातत्याने सिलिंडरची दरवाढ होत आहे. या सिलिंडरवर मिळणारी सबसिडीदेखील आता नाममात्र मिळत आहे. त्यामुळे आर्थिक बजेट बिघडले आहे. पण, त्याच्याशिवाय भागत नसल्याने पदरमोड करून त्यासाठी पैशांची जुळवाजुळव करावी लागत आहे.

- कांताबाई रामेश्वर चव्हाण, गृहिणी, कारला

---

ग्रामीण भागात पावसाळ्यात चुलीवर स्वयंपाक करणे म्हणजे कसरतच आहे. त्यामुळे गॅस योजनेतून मिळालेल्या गॅसचा महिला वर्गाला मोठा आधार होता. आता सिलिंडरचे दर गगणाला भिडल्यामुळे नियमित गॅसचा वापर करणे अशक्य झाले आहे. पुन्हा चूल पेटविण्याची वेळ या महागाईमुळे महिलांवर आली आहे.

- ज्योती राठोड,

गृहिणी, लालखेड

बॉक्स

गावात पुन्हा चुली पेटल्या

गावात पूर्वीपासून चुलीवरच स्वयंपाक होत आहे. यासाठी मोठ्या प्रमाणात वृक्षतोड होत आहे. तसेच धुरामुळे महिलांना डोळ्यासह श्वसनाचे आजार जडत आहे. वृक्षतोड थांबविण्यासोबतच महिलांच्या आरोग्याचा विचार करून घरोघरी गॅस सिलिंडर उपलब्ध व्हावे म्हणून पंतप्रधान उज्ज्वलागॅस योजना केंद्र शासनाने सुरू केली. याद्वारे शेगडी व सिलिंडर ग्रामीण कुटुंबीयांना मोफत दिले गेले. परंतु आता रोजमजुरी करणाऱ्यांना ८७० रुपये देऊन सिलिंडर खरेदी करणे पवडणारे नाही. म्हणून त्यांनी गॅस बंद करून पुन्हा चूल पेटविली आहे. अत्यावश्यक बाब म्हणूनच आता गॅसचा वापर केला जात आहे. त्यामुळे वृक्षतोडीकडे नागरिकांची वाटचाल सुरू झाली आहे.

--

मार्च महिन्यत झाली उच्चांकी वाढ

जानेवारी महिन्यात ७१९ रुपयांमध्ये मिळणारे घरगुती सिलिंडर जुलै महिन्यात तब्बल ८६० रुपयांमध्ये घ्यावे लागत आहे. सर्वाधिक घरगुती सिलिंडरची दरवाढ फेब्रुवारी महिन्यात झाली. ४ फेब्रुवारीला ७१९ रुपये दर झाले. त्यानंतर लगेच १५ फेब्रुवारीला ७४४ आणि २५ फेब्रुवारीला ७९४ रुपयांनी वाढ झाली. या एकाच महिन्यात ७५ रुपयांनी वाढ नोंदविली गेली.

बॉक्स

महिना घरगुती व्यावसायिक

ऑगस्ट ६१८.५० १२०१.५०

सप्टेंबर ६११९ ११९९

ऑक्टोबर ६१९ १२२४

नोव्हेंबर ६१९ १३००

डिसेंबर ७१९ १३९१

जानेवारी ७१९ १४०८

फेब्रुवारी ७९४ १५९८.५०

मार्च ८४४ १६७४

एप्रिल ८३४ १७१२

मे ८३४ १६६६.५०

जून ८३४ १५४४

जुलै ८५९.५० १६८२.५०