अवैध दारू विक्रेत्याला अटक

अमरावती : फ्रेजरपुरा पोलिसांनी पोहरा गावातील अवैध दारू अड्ड्यावर धाड टाकून एकाला अटक केली. विलास सुरेश ठाकरे (४५ रा. पोहरा) असे आरोपीचे नाव आहे. पोलीस हवालदार संजय काळे यांच्या पथकाने गुप्त माहितीवरून ही कारवाई केली. या प्रकरणाचा प्राथमिक तपास पोलीस उपनिरीक्षक गजानन सोनुने यांनी केला.

0000000000000000000000000000000000000

कारची दुचाकी धडक, दोघे जखमी

अमरावती: भरधाव अज्ञात कारने दुचाकीला धडक दिल्यामुळे लहान मुलासह दोघे जखमी झाले. ही घटना गाडगेनगर हद्दीतील पंचवटी चौकाजवळील बाबा कार्नरसमोरील मार्गावर घडली.

मुरलीधर सुंदरलाल अग्रवाल (६१) व रोहीत नामक मुलगा अशी जखमींची नावे आहेत. महिलेच्या तक्रारीवरून गाडगेनगर पोलिसांनी अज्ञात कार चालकाविरुध्द गुन्हा नोंदविला आहे.

0000000000000000000000000000000000000

बालाजीनगरात ३० हजाराची घरफोडी

अमरावती : गाडगेनगर हद्दीतील बालाजीनगरात मंगळवारी ३० हजार रुपयांची घरफोडीची घटना उघडकीस आली.

अतुल बाबुराव काळे (३३ रा. महालक्ष्मी अर्पाटन्मेंट, बालाजीनगर) हे ड्युटीवर गेले होते, तर त्यांची पत्नी डी मार्टला खरेदीसाठी गेल्या होत्या. दरम्यान चोरांनी दाराचे कुलुप तोडून कपाटातील सोन्याचे दागिने व रोख असा एकुण ३० हजाराचा मुद्देमाल लंपास केला. अतुल काळेंच्या तक्रारीवरून गाडगेनगर पोलिसांनी अज्ञात आरोपीविरुध्द गुन्हा नोंदविला.

00000000000000000000000000000000

गवळीपुऱ्यातून दुचाकी लंपास

अमरावती: नागपूरी गेट ठाण्याच्या हद्दीतून गवळीपुऱ्यातून एका तरुणाची दुचाकी चोराने लंपास केली. ही घटना मंगळवारी उघडकीस आली.

मोहम्मद इरफान मोहम्मद गफ्फुर (३० रा. गवळीपुरा) यांनी एमएच २७ बीएच ६७२४ या क्रमांकाची दुचाकी घरासमोर उभी केली होती. तेथून ती दुचाकी चोराने लंपास केली. मोहम्मद इरफानने या घटनेची तक्रार नागपूरी गेट पोलिसात नोंदविली. त्यानुसार पोलिसांनी अज्ञात आरोपीविरुध्द गुन्हा नोंदविला.