कुख्यात दुचाकी चोर हवालातीआड

अमरावती : शहर कोतवाली पोलिसांनी एका कुख्यात दुचाकी चोराला अटक केली आहे. त्याच्याकडून चोरीच्या पाच दुचाकी व सुटे भाग असा मुद्देमाल जप्त करण्यात आला आहे. शेख शहबाज ऊर्फ कालु शेख सलीम, (२२ वर्षे, रा. मद्रासी बाबा दर्गाचे समोर, सरकारी दवाखाण्याजवळ, हैदरपुरा) असे अटक आरोपीचे नाव असून, त्याने चार गुन्ह्याची कबुली दिली आहे.

१७ ऑगस्ट रोजी आकाश दरेकर (दोनद, पो. स्टे नांदगाव पेठ) याची एम.एच.२७ ए. एल. २१५८ ही दुचाकी तहसील कार्यालयाचे गेट समोर चोरीला गेली. शहर कोतवाली पोलिसांनी त्यावेळी चोरीचा गुन्हा दाखल करून तपासाला वेग दिला होता. त्या घटनेच्या अनुषंगाने शेख शहबाज ऊर्फ कालू शेख सलीम याला ६ सप्टेंबर रोजी सदर अटक याला अटक करण्यात आली. त्याच्याकडून एम.एच.२७ ऐ एल २१५८ चे सुटे भाग, एम.एच.२७ आर ७४८८, एम.एच.२७ एम. ५१९० व एम.एच.२७. टी.१७०३ या क्रमांकाच्या दुचाकीसह असा एकूण ७२,०००/- रुपयाचा मुद्देमाल हस्तगत करण्यात आला. कोतवाली येथील १ व इतर ठिकाणचे ३ गुन्हे उघडकीस येत आहे.

यांनी केली कार्यवाही

पोलीस आयुक्त डाॅ.आरती सिंह, उपायुक्त शशीकांत सातव, एसीपी भारत गायकवाड, वरीष्ठ पो.नि. निलीमा आरज, दुय्यम ठाणेदार विवेक राऊत यांच्या मार्गदर्शनात पोहेकाॅ. अब्दुल कलाम, किशोर अंबुलकर, पंकज खटे, अमोल यादव, विनोद मालवे, इम्ररान अन्वर खान यांनी ही कारवाई केली.