यास्मिननगरात युवकावर चाकूहल्ला

अमरावती : काकाच्या मुलासोबत झालेल्या भांडणावरून एका युवकाला लाथाबुक्क्याने मारहाण करून मांडीवर चाकूने वार केल्याची घटना नागपुरी गेट ठाणे हद्दीतील यास्मिननगरात ९ जुलै रोजी घडली. याप्रकरणी पोलिसांनी चाैघांविरुद्ध शनिवारी गुन्हा नोंदविला.

वसीम करोडपती, शोएब बन्नू (दोन्ही रा. जमील कॉलनी, नदीम अंधा रा. रिंगरोड लालखडी, बाबा रा. यास्मिन नगर असे आरोपीचे नाव आहे. फिर्यादी मोहसीन खान ऊर्फ छोटू दाऊद खान (२७, रा. गुलीस्तानगर) यांनी पोलिसात तक्रार नोंदविली. फिर्यादी हे त्यांचे दुसरे घर यास्मिननगर येथे उभा असताना आरोपींनी संगनमताने फिर्यादीच्या काकाच्या मुलासोबत झालेल्या वादातून युवकाशी भांडण करून शिवीगाळ केली. चौघांनी लाथाबुक्क्याने मारहाण केली. फिर्यादीने पळ काढण्याचा प्रयत्न केला असता आरोपी नंदीम अंधा याने चाकूने वार केला.