महाआवास अभियान उत्कृष्ट ग्रामपंचायतींचा सत्कार

कॅप्शन - आमदार राजकुमार पटेल यांच्या हस्ते पुरस्कार स्वीकारताना जवार्डीचे सरपंच शिवराज काळे

परतवाडा : अचलपूर महाआवास अभियानात उत्कृष्ट कार्य करणाऱ्या ग्रामपंचायतींचा पंचायत समितीतर्फे मेळघाटचे आमदार राजकुमार पटेल यांच्या हस्ते पुरस्कार वितरण व सत्कार करण्यात आला.

ग्रामीण विकास विभागाच्यावतीने राज्य व्यवस्थापन कक्ष ग्रामीण गृहनिर्माणद्वारे महाआवास अभियान राबविण्यात आले. यामध्ये प्रधानमंत्री आवास योजना व राज्य पुरस्कृत रमाई, शबरी आवास योजनेचा समावेश होता. २० नोव्हेंबर ते ५ जून या कालावधीत शासनाच्या विविध योजनांसह आवास योजनेची जलदगतीने अंमलबजावणी करणाऱ्या ग्रामपंचायती तसेच त्वरित व कमी खर्चात सुंदर गृहनिर्माण व इतर नियमाप्रमाणे काम करणाऱ्या ग्रामपंचायतीचा सत्कार करण्यात आला. यात गौरखेडा कुंभी, जवर्डी, घोडेगाव, खांजमानगरचा समावेश आहे. याप्रसंगी मंचावर सभापती कविता बोरेकार, उपसभापती श्रीधर काळे, गटविकास अधिकारी जयंत बाबरे, सदस्य सुनील तायडे, देवेंद्र पेठकर उपस्थित होते.