चांदूर रेल्वेत मुस्लिम बांधवांची बैठक

ठाणेदार मगन मेहते यांचे आयोजन, सणात कोरोनासंबंधी नियमांचे पालन करण्याचे आवाहन

चांदूर रेल्वे : रमजान महिन्याच्या पार्श्वभूमीवर चांदूर रेल्वे पोलीस ठाण्याच्या हद्दीतील मुस्लिम बांधवांची बैठक शनिवारी सायंकाळी ठाणेदार मगन मेहते यांनी घेतली. जिल्हाधिकाऱ्यांच्या निर्देशानुसार रमजान सणाच्या कालावधीत कोरोनासंबंधी नियमांचे पालन करण्याचे आवाहन त्यांनी केले.

मुस्लीम बांधवांचा पवित्र महिना रमजान हा काही दिवसांतच सुरू होणार आहे. यावेळी एकाच ठिकाणी गर्दी न करता धार्मिक विधी घरीच पार पाडून कोरोनासंबंधी नियमांचे पालन करून प्रशासनाला सहकार्य करण्याचे आवाहन ठाणेदार मगन मेहते यांनी केले. यावेळी ठाणेदार मेहते यांनी उपस्थितांना राज्य शासनाच्या आदेशाचे पालन करण्याचे आवाहन केले. नागरिकसुद्धा सहकार्य करणार असल्याची ग्वाही देण्यात आली.

शेख राहिल, सैयद जाकीर, अब्दुल रहीम, जमिरुद्दीन, काजी हफिजोद्दीन, काजी जकीओद्दीन, कारी साजीद, अहफाज राराणी, कासम लाखानी, मो. नसीम, नुरूल हसन कुरेशी, अनिस सौदागर, खुदाबक्श कुरेशी, शेख सरदार, नफीस खान, सैयद निजामोद्दीन, अब्दुल राजा हिंदुस्थानी, पत्रकार इरफान पठाण, शहजाद खान तसेच चांदूर रेल्वे ठाण्याचे खुपिया अरुण भुरकाडे व कर्मचारी उपस्थित होते.