अल्पवयीन मुलाला पळवून नेले

अमरावती : शौचास गेलेल्या अल्पवयीन मुलीला अज्ञात आरोपीने पळून नेल्याची घटना शहरातील बडनेरा ठाणे हद्दीत बुधवारी घडली. मुलीच्या वडिलाच्या तक्रारीवरून पोलिसांनी भादंविचे कलम ३६३ अन्वये गुन्हा नोंदविला.

------------------------------------

संशयित आरोपी अटकेत

अमरावती : चोरीसारखा दखलपात्र गुन्हा करण्याच्या उद्देशाने फिरत असलेल्या आरोपीला बडनेरा जुनी वस्ती परिसरातील भगतसिंह चौकातून अटक केली आहे. ही कारवाई बुधवारी करण्यात आली. आरोपी आकाश ऊर्फ कट्टू शामलाल कैथवास (३२, रा. मातफैल) असे आरोपीचे नाव आहे. याप्रकरणी बडनेरा पोलिसांनी गुन्हा नोंदविला आहे.

---------------------------------------

निंभा येथे अवैध दारू जप्त

अमरावती : बडनेरा पोलिसांनी निंभा येथे कारवाई दरम्यान बुधवारी ५५० रुपयांची अवैध दारू जप्त केली. याप्रकरणी आरोपी हनुमंत लक्ष्मण लाहे (४१, रा. निंभा) याच्याविरुद्ध गुन्हा नोंदविला.

-----------------------------------------

महादेवखोरीत दारू जप्त

अमरावती : फ्रेजरपुरा पोलिसांनी महादेवखोरी येथे कारवाई करून बुधवारी ८२५ रुपयांची अवैध दारू जप्त केली. आरोपी ब्रिजेश ऊर्फ विजय मुलचंद गुप्ता (२९, रा. महादेवखोरी)विरुद्ध गुन्हा नोंदविला.

-------------------------------------------

संत गुलाबनगरातून दारू जप्त

अमरावती : गाडगेनगर पोलिसांनी येथील संत गुलाबनगर येथे कारवाई करून ४३२० रुपयांची अवैध दारू जप्त केली. ही कारवाई बुधवारी करण्यात आली. याप्रकरणी आरोपी विजय सूर्यभानजी किर्तक, अशोक लक्ष्मण मोरे, विजय किर्तक ( सर्व रा. रमाबाई आंबेडकरनगर) याच्याविरुद्ध गुन्हा नोंदविला.