शय्यासोबत कर, अन्यथा आईला ढगात पाठवेन! गर्भवती विवाहितेवर सावत्र बापाचा अत्याचार

Amravati News भाऊबिजेकरिता माहेरी आलेल्या गर्भवती विवाहितेचा तिच्याच सावत्रबापाने विनयभंग केला.

अमरावती : भाऊबिजेकरिता माहेरी आलेल्या गर्भवती विवाहितेचा तिच्याच सावत्रबापाने विनयभंग केला. १५ नोव्हेंबर रोजी सकाळी ११च्या सुमारास ही घटना घडली. याप्रकरणी फ्रेजरपुरा पोलिसांनी आरोपी विष्णू शंकर तिडके (४१, बेनोडा, यशोदानगर) याच्याविरूद्द कलम ३५४, ३५४ अ, ३४२, ५०६ अन्वये गुन्हा दाखल करण्यात आला. शय्यासोबत कर, अन्यथा तुझ्या आईचा खून करेन, अशी धमकी त्याने आपल्याला दिल्याचे पीडितेने तक्रारीत नमूद केले आहे.

             यापूर्वीदेखील त्याने एकांताचा गैरफायदा घेत, आपल्याशी लगट केली होती. मात्र, रिपोर्ट देऊ नकोस, असे आईने बजावल्याने आपण त्या घटनांचा बोभाटा केला नाही. मात्र, १५ नोव्हेंबर रोजी आई दुकानात गेली असता, सावत्र बापाने विनयभंग केला. शय्यासोबत करण्याचा आग्रह धरला. आई परत आल्यानंतर त्याने आईलादेखील त्याच विषयाबाबत छेडले. याबाबत तुझ्या जावयाला काहीही माहिती होणार नाही. ही बाब आपण केवळ तिघांमध्ये ठेवू, असेही तो आईला म्हणाला. त्यावर ठाम नकार दिल्यानंतर तू असे केले नाहीस, तर तुझ्या आईचा मर्डर करेन, अशी धमकी त्याने दिल्याचे पीडितेने म्हटले आहे. याबाबत १५ नोव्हेंबर रोजी दुपारी १ वाजता गुन्हा दाखल करण्यात आला आहे.

याप्रकरणी पीडित विवाहितेच्या तक्रारीवरून तिच्या सावत्रबापाविरूद्ध विनयभंग व अन्य कलमान्वये गुन्हा दाखल करण्यात आला आहे. पोलिसांनी घटनास्थळी भेट दिली व तपासाला वेग दिला आहे.

सोनाली मेश्राम,

सहायक पोलीस निरीक्षक, फ्रेजरपुरा