अमरावतीच्या लुंबिनीनगर येथे पित्याकडून पुत्राची हत्या  

डॉक्टरांनी तपासून त्याला मृत घोषित केले. दुसरीकडे ब्रेजर पुरा पोलिसांनी घटनास्थळाचा पंचनामा करत आरोपी पित्याला तातडीने अटक केली.

अमरावती, प्रतिनिधी : स्थानिक फेजरपुरा पोलीस स्टेशन अंतर्गत येणाऱ्या लुंबिनी नगर येथे मंगळवार दिनांक 3 सप्टेंबर रोजी दुपारी एका पित्याने आपल्या मुलावर सत्तूरने वार करून त्याचा खून केला. राहुल पांडुरंग काकडे 40 असे मृताचे नाव आहे. पांडुरंग काकडे (62) याला तातडीने अटक केली आहे.

पांडुरंग काकडे हा मंगळवारी दुपारी कामाहून घरी परतल्यानंतर शुल्लक कारणावरून वाद झाला. कुठल्याशा तरी कारणावरून राहुलने पिता पांडुरंग यांना टोमणा मारला. त्यामुळे दोघांमध्ये शाब्दिक चकमक झाली. वादा दरम्यान पांडुरंग काकडे याने मुलगा राहुल याला सत्तूरने भोसकले. राहुल याच्या गळ्यावर व मानेवर सत्तूरने वार करण्यात आल्याने तो रक्तबंबाळ स्थितीत घरातच कोसळला. दरम्यान काही शेजाऱ्यांनी काकडे यांच्या घरात धाव घेऊन राहुलला तातडीने जिल्हा सामान्य रुग्णालयामध्ये दाखल केले.

डॉक्टरांनी तपासून त्याला मृत घोषित केले. दुसरीकडे ब्रेजर पुरा पोलिसांनी घटनास्थळाचा पंचनामा करत आरोपी पित्याला तातडीने अटक केली. पोलीस उपयुक्त सागर पाटील यांच्यासह फेदरपुरचे ठाणेदार निलेश करे यांनी घटनास्थळी भेट दिली. आरोपी पांडुरंग काकडे हा सुरक्षा रक्षकाचे काम करीत होता. तर मुलगा राहुल हा कुठलाही कामधंदा न करता घरीच बसून राहत होता. त्यातूनच हा टोकाचा वाद झडल्याचे काही प्रत्यक्षदर्शींनी सांगितले. याप्रकरणी फ्रेझरपुरा पोलिसांनी आरोपी पांडुरंग काकडे याचे विरुद्ध खुनाचा गुन्हा दाखल केला आहे. सर्वत्र पोळ्याची कर साजरी होत असताना मंगळवारी दुपारी तीन च्या सुमारास ही खुनाची घटना घडली.