बातमी / सारांक्ष

अमरावती: सावित्रीबाई फुले यांच्या जयंतीचे औचित्य साधून पालकमंत्री यशोमती ठाकूर यांंच्या हस्ते रविवारी अंगणवाडी सेविकांचा सन्मान करण्यात आला. यात मुख्य सेविका वैशाली पाटेकर, सेविका चंदा वानखडे, ललिता वासनिक, सफिया खान, सुलतान बानो, संध्या रंगारी यांचा समावेश आहे.

------------------------

बडनेरा अंगणवाडी केंद्रात सावित्रीबाई फुलेंची जंयती (फोटो घेणे)

बडनेरा: काशीराम चाळ येथील अंगणवाडी केंद्रात ज्ञानज्योती सावित्रीबाई फुले यांची जयंती साजरी करण्यात आली. अंगणवाडी सेविका संध्या खांडेकर यांनी सावित्रीबाईंच्या जीवनावर प्रकाश टाकला. कार्यक्रमाला

महिलांची उपस्थिती होती.

------------------------

विद्यापीठात सावित्रीबाई फुले जयंती

अमरावती: क्रांतिकारी समाजसेविका, ज्ञानज्योती सावित्रीबाई फुले यांची जयंती संत गाडगेबाबा अमरावती विद्यापीठात साजरी करण्यात आली. यावेळी कुलगुरू मुरलीधर चांदेकर यांनी सावित्रीबाई फुले यांच्या प्रतिमेचे पूजन व पुष्पार्पण करून अभिवादन केले. याप्रसंगी प्र-कुलगुरू राजेश जयपूरकर, कुलसचिव तुषार देशमुख, वित्त व लेखा अधिकारी भारत कऱ्हाड, एल.एल.ई.चे संचालक श्रीकांत पाटील आदी उपस्थित होते.