रस्त्यात वाहन लावून वाहतुकीस अडथळा

डीमार्टनजीक हातगाडीचालकावर कारवाई

अमरावती : सार्वजनिक रस्त्यावर हातगाडी नागरिकांच्या जीवितास ईजा होईल, अशा धोकादायक स्थितीत लावून गॅस सिलिंडरचा वापर केल्याप्रकरणी गाडगेनगर पोलिसांनी बियाणी चौकातील डीमार्टनजीक युवकाविरुद्ध १६ जुलै रोजी कारवाई केली. अब्राम खान बाबर खान (३५, रा. चिलम छावणी) असे आरोपीचे नाव आहे.

---------------------

रस्त्यात हातगाडी, युवकाविरुद्ध गुन्हा

अमरावती : शिवाजीनगर जुने पोस्ट ऑफिसनजीक वर्दळीच्या मार्गावर हातगाडी लावून धोकादायक स्थितीत व्यवसाय करताना आढलेल्या युवकाविरुद्ध गाडगेनगर पोलिसांनी १७ जुलै रोजी गुन्हा नोंदविला. शेख वसीम शेख नसीर (२४, रा. चिलम छावणी) असे आरोपीचे नाव आहे.

------------------

विहिंप, बजरंग दलाच्या कार्यकर्त्यांविरुद्ध गुन्हा

अमरावती : जिल्हाधिकाऱ्यांच्या नियमांचे उल्लंघन करीत विनापरवानगी जिल्हाधिकारी कार्यालयासमोर जमावाने आंदोलन केल्याप्रकरणी विश्व हिंदू परिषद, बजरंग दराच्या ४० कार्यकर्त्यांविरुद्ध गुन्हा नोंदविण्यात आला. ही कारवाई गाडगेनगर पोलिसांनी १७ जुलै रोजी केली. यामध्ये अनिल साहू, विपीन गुप्ता, बंटी पारवानी, चेतन वाटणकर, संतोष गहरवार, दिनेश सिंह व ३५ कार्यकर्त्यांना आरोपी केले आहे.

------------------------

चारचाकी वाहनाची दुचाकीला धडक

अमरावती : भरधाव चारचाकी वाहन एमएच २७ - ७०८६ च्या चालकाने दुचाकीस्वाराला मागून धडक देऊन जखमी केले. ही घटना १७ जुलै रोजी साईनगर चौकात घडली. विशाल रवींद्र गवई (२८, रा. बडनेरा) यांच्या तक्रारीवरून पोलिसांनी त्या चारचाकी वाहनधारकाविरुद्ध गुन्हा नोंदविला.

-------------------

जवादे हाॅस्पिटलसमोरून तडीपारास अटक

अमरावती : दोन वर्षांकरिता सिटी कोतवाली पोलिसांनी तडीपार केलेला आरोपी विनापरवानगी शहरात फिरताना १७ जुलै रोजी पेट्रोलिंगदरम्यान जवादे हॉस्टपिटलसमोर आढळून आला. रतन वसंतराव उके (३६, राजमातानगर) असे तडीपाराचे नाव आहे.

--------------

कापड दुकानादाराविरुद्ध कारवाई

अमरावती : संचारबंदीचे उल्लंघन करीत उशिरापर्यंत दुकान उघडे ठेवल्याप्रकरणी नमुना गल्लीतील कापड व्यावसायिकाविरुद्ध सिटी कोतवाली पोलिसांनी गुन्हा नोंदविला. मो. इदरीस मो. सुलतान (३०, रा. छायानगर) असे त्याचे नाव आहे. १७ जुलै रोजी ही कारवाई करण्यात आली.

------------------------

सहा गोवंशाची गौरक्षणात रवानगी

अमरावती : चारचाकी वाहनात कोंबून कत्तलीसाठी नेत असलेल्या सहा जणावरांसह सदर वाहन नागरिकांच्या मदतीने पोलिसांनी ताब्यात घेतले. चौकशीअंती त्या जनावरांची दस्तूरनगरातील गौरक्षण संस्थेच रवानगी केल्याची माहिती पोलीस सूत्रांनी दिली. ही कारवाई भातकुली तालुक्यातील अळणगाव येथे १६ जुलै रोजी भातकुली पोलिसांनी केली.

-------------