वाहतुकीस अडथळा; गुन्हा नोंदविला

अमरावती : प्रवासी ऑटो रस्त्यात ठेवून वाहतुकीला अडथळा निर्माण केल्याप्रकरणी पोलिसांनी कारवाई करून ऑटोचालकावर गुन्हा नोंदविला आहे. ही कारवाई गुरुवारी खोलापुरीगेट ठाणे हद्दीत करण्यात आली.

-----------------------------------------

बकरी दगावली

अमरावती : बकरीला काठीने मारहाण केली असता तिला उपचाराकरिता पशुचिकित्सालयात नेले या ठिकाणी ती दगावली. ही घटना टाकळी जहागीर येथे १२ फेब्रुवारी रोजी घडली. या प्रकरणी एका आरोपीविरुद्ध गुन्हा नोंदविला. पुढील तपास नांदगावपेठ पोलीस करीत आहे. यामुळे फिर्यादीचे चार हजारांचे नुकसान झाले आहे.

-------------------------------------

दुचाकीला धडक; इसम जखमी

अमरावती : भरधाव येणाऱ्या दुचाकीने अन्य दुचाकीला धडक दिल्याने झालेल्या अपघातात त्यामुळे वृद्धाच्या पायाला इजा झाली आहे. ही घटना राजापेठ ठाणे हद्दीतील प्रभात कॉलनीत १५ फेब्रुवारी रोजी घडली. नितीन मनोहर नाईक (३९, रा. शिवशक्तीनगर) यांनी पोलिसात तक्रार नोंदविली. त्यांचे वडील जखमी झाले आहेत.