महापरिनिर्वाण दिनानिमित्त ११ विशेष रेल्वे गाड्या

भारतरत्न डॉ. बाबासाहेब आंबेडकर यांच्या महापरिनिर्वाण दिनी ६ डिसेंबर रोजी दादर येथे मोठ्या संख्यने एकत्र येतात.

ठळक मुद्देमध्य रेल्वेचा निर्णय : चैत्यभूमीवर येणाºया अनुयायांच्या सोयीसाठी उपक्रम

आॅनलाईन लोकमत
अमरावती : भारतरत्न डॉ. बाबासाहेब आंबेडकर यांच्या महापरिनिर्वाण दिनी ६ डिसेंबर रोजी दादर येथे मोठ्या संख्यने एकत्र येतात. गर्दीचे नियोजन आणि प्रवाशांच्या सोयीसाठी मध्य रेल्वेने महापरिनिर्वाण दिनानिमित्त ११ विशेष गाड्या चालवण्याचा निर्णय घेतला आहे.
नागपूर- छत्रपती शिवाजी महाराज टर्मिनस (३ विशेष), छत्रपती शिवाजी महाराज टर्मिनस, दादर ते सेवाग्राम-अजनी- नागपूर (६ विशेष) आणि सोलापूर -छत्रपती शिवाजी महाराज टर्मिनस (२ विशेष) अशा विशेष एक्स्प्रेस मार्गावर सोडण्याचा निर्णय घेण्यात आला आहे.
या विशेष रेल्वे गाड्यांमुळे राज्यभरातून दादर येथे डॉ. बाबासोहब आंबेडकर यांना अभिवादन करण्यासाठी मुंबईत येणे सोयीचे होणार आहे. प्रवाशांनी गैरसोय टाळण्यासाठी वैध तिकिटांनी प्रवास करावा, असे आवाहन मध्य रेल्वे विभागाच्या वाणिज्य प्रबंधकांनी केले आहे. या गाड्यांचा लाभ, कर्नाटक, विदर्भ तसेच राज्यातून येणाºया प्रवाशांना घेता येणार आहे.
या गाड्यांना २ अतिरिक्त द्वितीय श्रेणीचे डबे जोडणार
५ डिसेंबर रोजी भुसावळहून सुटणारी गाडी क्र. ५११५४ भुसावळ- मुंबई. पॅसेंजर ७ डिसेंबर रोजी छत्रपती शिवाजी महाराज टर्मिनस, मुंबईहून सुटणारी गाडी क्र.५११५३ मुंबई- भुसावळ पॅसेंजर. ५ डिसेंबर रोजी श्री. छत्रपती शाहू महाराज टर्मिनसहून (कोल्हापूर) सुटणारी गाडी क्र.११०३० कोयना एक्स्प्रेस. ७ डिसेंबर रोजी मुंबईहून सुटणारी गाडी क्र.११०२९ कोयना एक्स्प्रेस.
नागपूर-छत्रपती शिवाजी महाराज टर्मिनस विशेष एक्स्प्रेस
विशेष गाडी क्र. ०२६२ नागपूर येथून ४ डिसेंबर रोजी २३.५५ वाजता सुटेल. विशेष गाडी क्र. ०१२६४ नागपूर येथून ५ डिसेंबर रोजी ०७.५० वाजता ०७.५० वाजता सुटेल. -विशेष गाडी क्र.०१२६४ नागपूर येथून ५ डिसेंबर रोजी दुपारी १५.५५ सुटेल.
छत्रपती शिवाजी महाराज टर्मिनस
दादर ते सेवाग्राम-अजनी- नागपूर विशेष एक्स्प्रेस विशेष गाडी क्र.०१२४९ छत्रपती शिवाजी महाराज टर्मिनस, मुंबईहून ६ डिसेंबर रोजी दुपारी १६.०५ वाजता सुटेल. विशेष गाडी क्र.०१२५१ छत्रपती शिवाजी महाराज टर्मिनस, मुंबईहून ६ डिसेंबर रोजी दुपारी १८.४० वाजता सुटेल. विशेष गाडी क्र. ०१२५३ दादर येथून ७ डिसेंबर रोजी (६डिसेंबरच्या मध्यरात्री) ००.४० वाजता सुटेल. विशेष गाडी क्र.०१२५५ छत्रपती शिवाजी महाराज टर्मिनस, मुंबईहून ७ डिसेंबर रोजी दुपारी १२.३५ वाजता सुटेल. विशेष गाडी क्र.०१२५७ छत्रपती शिवाजी महाराज टर्मिनस, मुंबईहून ८ डिसेंबर रोजी दुपारी १८.४० वाजता सुटेल. विशेष गाडी क्र. ०१२५९ दादर येथून ८ डिसेंबर रोजी (७ डिसेंबरच्या मध्यरात्री) ००.४० वाजता सुटेल.