चोरीच्या रेतीसह दीड लाखांचा मुद्देमाल जप्त

अमरावती : ट्रकचालकाने चोरून आणलेली रेती व ट्रक असा दीड लाखांचा मुद्देमाल गाडगेनगर पोलिसांनी जप्त केला. ही कारवाई फैजान बोअरवेलच्या समोर टावर लाईन येथे ३ फेब्रुवारी रोजी करण्ळात आली. याप्रकरणी पोलिसांनी मंगळवारी गुन्हा नोंदविला.

मो. नवशाद मो. इर्शाद (३५, रा. साबनपुरा) असे आरोपीचे नाव आहे. पोलीस गस्तीवर असताना पोलिसाना एमएच२७ बीक्यु ९९९१ हा ट्रक रेती खाली करताना आढळून आला. पोलिसानी रेतीच्या रॉयलटीबाबत विचारणा केली असता ट्रकचालकाने उडवाउडवीचे उत्तरे दिली. ट्रकचालकाने कागतपत्र दाखविले नाही. ट्रकमध्ये ५० हजार रूपये किंमतीचे रेती व एक लाखाचा ट्रक असता मुद्देमाल पोलिसनी जप्त केला. पुढील तपास वरिष्ठ पोलीस निरीक्षक आसाराम चोरमले यांच्या मार्गदर्शनात एपीआय पूजा खांडेकर करीत आहेत.