शेतीच्या वादातून पाईपने मारहाण

अमरावती : शेतीच्या वादातून एका युवकाच्या डोक्यावर पाईपने मारहाण करून जखमी केल्याची घटना बडनेरा ठाणे हद्दीतील अऱ्हाड, कुऱ्हाड येथे मंगळवारी घडली.

चितांमन साहेबराव खडसे (४५, रा. अऱ्हाड, कुऱ्हाड ता. अमरावती) असे आरोपीचे नाव असून बडनेरा पोलिसांनी आरोपीविरुद्ध भादंविचे कलम ३२४,५०४ अन्वये गुन्हा नोंदविला. याप्रकरणी संतोष साहेबराव खडसे (३५, रा. अऱ्हाड, कुऱ्हाड) यांनी तक्रार नोंदविली.

----------------------------------------------------------------

शाळेतून २१ हजारांची एलईडी लंपास

अमरावती : वलगाव ठाणे हद्दीतील रेवसा येथील जिल्हा परिषद पूर्व माध्यमिक शाळेतून अज्ञात आरोपीने २१ हजार रुपये किमतीचा एलईडी चोरून नेल्याची घटना १४ एप्रिल रोजी घडली. याप्रकरणी ४ मे रोजी वलगाव पोलिसांनी गुन्हा नोंदविला. शाळेचे मुख्याध्यापक विनोद गोपाळराव भगत (५२, रा. रेवसा) यांनी तक्रार नोंदविली. चोरट्याने शाळेच्या वर्ग खोल्यातील कुलूप तोडून एलईडी चोरून नेला.

---------------------------------------------------

धारदार शस्र बाळगणारा ताब्यात

अमरावती : अवैधरित्या धारदार शस्त्र बाळगून लोकांमध्ये दहशद पसरविणाऱ्या आरोपीला बडनेरा पोलिसांनी नवी वस्तीतील चांदणी चौकातून मंगळवारी ताब्यात घेतले. मोहम्मद जुनेद शेख कासम (२२,रा. मोमीनपुरा) असे आरोपीचे नाव आहे. पोलिसांनी गुन्हा नोंदविला.