युवकाच्या कानशिलात लगावली

अमरावती : तु माझ्यासमोर पेट्रोल भरण्यास का गेला, या कारणावरून वाद करून आरोपीने युवकाच्या कानशिलात लगावल्याची घटना पंचवटी चौकातील पेट्रोलपंपावर शुक्रवारी घडली. मोन्टू किसनलाल गुप्ता ( रा. अमरावती) असे आरोपीचे नाव आहे. फिर्यादी प्रणव गोकुळदास राऊत (१९, रा. किशोरनगर) याने गाडगेनगर ठाण्यात तक्रार नोंदविली. आरोपीविरुद्ध भादंविचे कलम ३२५, ५०४, ५०६ अन्वये गुन्हा नोंदविला.

-----------------------------------------------

पंचवटी चौकात अवैध प्रवासी वाहतूक

अमरावती : पंचवटी चौकात खासगी वाहनांव्दारे अवैध प्रवासी वाहतूक केली आहे. या ठिकाणावरून खासगी वाहनांत नागपूर करीत प्रवासी कोंबले जातात. एकाच वेळीच पाच ते सात वाहने उभी राहत असल्याने इतर वाहनांनाही अडथळा निर्माण होतो. त्याकारणाने वाहतूक पोलिसांनी अशा वाहनांना पायबंद घालण्याची मागणी होत आहे.

-----------------------------------------

पंचवटी चौकात मोकाट जनावरांचा मुक्त संचार

अमरावती : येथील पंचवटी चौकात मोकाट जनावरांचा सुळसुळाट झाला असून, सदर जनावर मुख्य रस्त्यावर मुक्त संचार करीत असल्याचे चित्र आहे. त्यामुळे इतर वाहनांना मार्ग काढताना अडथळा निर्माण होत आहे. मोकाट जनावरांमुळे अपघात होण्याची शक्यता नाकारता येत नाही. त्यामुळे महापालिकेने कारवाई करण्याची मागणी होत आहे.