मालखेड येथे पानटपरीवर धाड

चांदूर रेल्वे : मालखेड (रेल्वे) येथे प्रतिबंधित असलेला गुटखा, सुगंधित तंबाखू व पान मसाला विक्री करणाऱ्याच्या पानठेल्यावर तसेच घरी धाड टाकून ३४ हजारांचा मुद्देमाल जप्त केल्याची कारवाई ठाणेदार मगन मेहते यांच्या मार्गदर्शनात रविवारी सायंकाळी ५.३० वाजता घडली.

पोलीस सूत्रांकडून मिळालेल्या माहितीनुसार, आरोपी सुभाष शंकरराव डकरे (४९, रा. मालखेड) हे गावातील पानठेल्यावर गुटखा विक्री करीत असल्याची गोपनीय माहिती चांदूर रेल्वे पोलिसांना मिळाली होती. या माहितीच्या आधारे प्रथम पानठेल्यावर धाड टाकली असता, गुटखा, तंबाखू व पान मसाला असा एकूण ५ हजार ९९२ रुपयांचा मुद्देमाल जप्त केला. यानंतर सदर आरोपीच्या घरी झाडाझडती घेतली असता, घरातून २७ हजार ९५८ रुपये असा एकूण ३३ हजार ९५० रुपयांचा मुद्देमाल जप्त करून आरोपी सुभाष डकरे यांना ताब्यात घेण्यात आले. त्याच्याविरुद्ध भादंविचे कलम १८०, २७२, २७३ अन्वये गुन्हा दाखल करण्यात आला आहे. ही कारवाई ठाणेदार मगन मेहते यांच्या मार्गदर्शनात गणेश मुपडे, हेडकॉन्स्टेबल श्रीकृष्ण शिरसाट, शिवाजी घुगे, चालक पंकज शेंडे, कॉन्स्टेबल महेश प्रसाद, प्रफुल्ल माळोदे यांनी केली.

===Photopath===

140621\img-20210614-wa0008.jpg

===Caption===

photo