विकासासाठी माध्यमांचा वाटा महत्त्वाचा

फोटो -

चिखलदरा : आरसा दाखविणारे माध्यम असले की, विकास योग्य रीतीने घडतो. राजकारणापेक्षा समाजकारणावर अधिक भर आहे. आदिवासी भागात विविध कामे करण्यात आपण सतत प्रयत्नशील असल्याचे मत जिल्हा परिषद सदस्य तथा राणा धनराजसिंह राणावत मंगरोळे चॅरिटेबल ट्रस्टच्या अध्यक्ष वासंती मंगरोळे यांनी व्यक्त केले.

चिखलदरा येथील नगर परिषद सभागृहात आयोजित कार्यशाळेत अंजनगाव सुर्जी, पथ्रोट, परतवाडा येथील विविध माध्यमांच्या प्रतिनिधींची उपस्थिती होती. अंजनगाव सुर्जी येथील माझा मित्र परिवारतर्फे आयोजित या कार्यक्रमात वासंती मंगरोळे यांनी मार्गदर्शन केले. यावेळी मंचावर नगराध्यक्ष विजया सोमवंशी, नगरसेवक राजेंद्र सोमवंशी, अरुण तायडे, नीता सोमवंशी, उपाध्यक्ष शेख अब्दुल शेख हैदर, बांधकाम सभापती राजेश मांगलेकर, शिक्षण सभापती अरुण तायडे, प्रमिला कंदीलवार, राष्ट्रनिर्माण प्रशासकीय अकादमीचे संस्थापक गजानन कोरे, जिजाऊ ब्रिगेडचे वक्ता प्रेमकुमार बोके, जितेंद्र रोडे, मनोज शर्मा उपस्थित होते. प्रास्ताविक वैभव खारोडे यांनी केले. याप्रसंगी मोना मंगरोळे यांनी उपस्थितांचा परिचय दिला, शिवाय वृक्षारोपण तसेच विविध उपक्रम राबविण्यात आले.