‘आय लव्ह यू’ म्हणणाऱ्याला सात दिवसांची सक्तमजुरी

Amravati News एका अल्पवयीन मुलीला आय लव्ह यू म्हणून तिचा पाठलाग, विनयभंग केल्याप्रकरणी २५ वर्षीय आरोपीला सात दिवस सक्तमजुरी, १०० रुपये दंड व दंड न भरल्यास तीन दिवस अतिरिक्त शिक्षा ठोठावण्यात आली.

ठळक मुद्देधामणगाव रेल्वे तालुक्यातील घटना

अमरावती : एका अल्पवयीन मुलीला आय लव्ह यू म्हणून तिचा पाठलाग, विनयभंग केल्याप्रकरणी २५ वर्षीय आरोपीला सात दिवस सक्तमजुरी, १०० रुपये दंड व दंड न भरल्यास तीन दिवस अतिरिक्त शिक्षा ठोठावण्यात आली. अतिरिक्त सह सत्र न्यायाधीश एस.जे. काळे यांनी ४ ऑक्टोबर रोजी हा निर्णय दिला. प्रमोद खडसे (२५) असे शिक्षाप्राप्त आरोपीचे नाव आहे.

             १८ ऑगस्ट २०१६ रोजी मंगरूळ दस्तगीर ठाण्याच्या हद्दीतील एका गावात ही घटना घडली होती. याप्रकरणी आरोपीविरूद्ध विनयभंग व पोस्कोअन्वये गुन्हा दाखल करण्यात आला होता. दोषारोपपत्र दाखल केल्यानंतर याप्रकरणी सात साक्षीदार तपासण्यात आले. गुन्हा सिद्ध झाल्यामुळे आरोपीला कलम ३५४ ड व पोस्को अन्वये सात दिवस सक्तमजुरी, १०० रुपये दंड व दंड न भरल्यास तीन दिवस अतिरिक्त अशा दोन स्वतंत्र शिक्षा सुनावण्यात आली. त्या दोन्ही शिक्षा आरोपीस एकत्र भोगावयाच्या आहेत. विशेष सरकारी वकील शशीकिरण पलोड यांनी सरकारी बाजू मांडली.