संक्षिप्त वृत्त

------------------------

क्षुल्लक कारणावरून तिघांना मारहाण, धमकी

अमरावती : क्षुल्लक कारणावरून घरासमोर येऊन शिवीगाळ करीत धमकी देऊन तिघांना मारहाण केल्याची घटना राहुलनगर बिच्छूटेकडी येथे शुक्रवारी घडली. फिर्यादी महिलेच्या तक्रारीवरून फ्रेजरपुरा पोलिसांनी आरोपी प्रमोद भीमराव दांडगे चार जण व एक महिला (सर्व रा. राहुलनगर) विरुद्ध भादंविचे कलम ३२४, २९४, ५०६, १०९, ३४ अन्वये गुन्हा नोंदविला, शरद भीमराव दांडगे यांच्या तक्रारीवरून पाच महिलांसह दोन पुरुषाविरुद्ध भादंविचे कलम १४३, ३२३, ५०४, ५०६, १८८ व अन्य कलमान्वये गुन्हे नोंदविले.

----------------

मोबाईलसह १७ हजारांचा मुद्देमाल लंपास

अमरावती : घरातून नामांकित कंपनीच्या मोबाईलसह १७,३४९ रुपयांचा मुद्देमाल अज्ञाताने लंपास केला. ही घटना गाडगेनगर पोलीस ठाण्यांतर्गत अर्जुननगरातील अंबा अपार्टमेंटजवळ घडली. आदित्य ईश्वर दुधार (३२) यांच्या तक्रारीवरून पोलिसांनी गुन्हा नोंदविला.