सारांश बातम्या

धामणगाव रेल्वे : तालुक्यातील वरूड बगाजी रोडवरून अवैध रेतीची वाहतूक करताना एमएच २७ एक्स ७३२१ या क्रमांकाचा ट्रक जप्त करण्यात आला. २ जून रोजी पहाटे ही कारवाई करण्यात आली. मंगरू ळ दस्तगीर पोलिसांनी आरोपी बादल खडसे (३०, जुना धामणगाव) याच्याविरुद्ध गुन्हा दाखल केला.

--------------

दुचाकीच्या धडकेत तरुणी गंभीर

चांदूर रेल्वे : भरधाव दुचाकीच्या धडकेत भाग्यश्री ज्ञानेश्वर ढोक (२३) ही गंभीर जखमी झाली. ३० मे रोजी ११.३० च्या सुमारास हा अपघात घडला. चांदूर रेल्वे पोलिसांनी एमएच २७ एम ६०७८ क्रमांकाच्या दुचाकीचा चालक अंकुश चौधरी (दिघी कोल्हे) याच्याविरुद्ध गुन्हा दाखल केला.

------------

अल्पवयीन मुलीचा लेैंगिक छळ

बेनोडा : वरूड तालुक्यातील १७ वर्षीय मुलीचा पाठलाग करून तिचा लेैंगिक छळ करण्यात आला. तिच्यासोबत बळजबरीने काढलेले फोटो व्हायरल करण्याची धमकी देण्यात आली. १३ जानेवारी ते २६ मेदरम्यान ही घटना घडली. याप्रकरणी बेनोडा पोलिसांनी आरोपी गजानन घोरमाडे (३८, मांगरुळी पेठ) याच्याविरुद्ध गुन्हा दाखल केला.

------------

लेहगाव नर्सरीजवळ दुचाकीला अपघात

मोर्शी : तालुक्यातील लेहगाव येथे एका दुचाकीस्वाराला अज्ञात वाहनाने धडक दिली. यात उमेश खुरसुडे हे जखमी झाले. १ जुन रोजी रात्री ११.३० च्या सुमारास हा अपघात घडला. जखमीचा भाचा अक्षय बाखडे याच्या तक्रारीवरून शिरखेड पोलिसांनी अज्ञाताविरुद्ध गुन्हा नोंदविला.

-------------

चिखलसावंगीतून ३९ हजार रुपये पळविले

मोर्शी : तालुक्यातील चिखलसावंगी येथील चरणदास कळसकर यांच्या घरातून ३९ हजार रुपये रोख लंपास करण्यात आले. १ जून रोजी रात्री ही घटना घडली. याप्रकरणी मोर्शी पोलिसांनी अज्ञाताविरुद्ध गुन्हा दाखल केला.

-------------

अपघातप्रकरणी मालवाहू वाहनचालकाविरुद्ध गुन्हा

वरूड : येथील पेट्रोल पंपाजवळ १ जून रोजी रात्री ९.३० च्या सुमारास मालवाहू वाहनाने दिलेल्या धडकेत दोघांचा मृत्यू झाला होता. या अपघातप्रकरणी २ जून रोजी रात्री एमएच ४९ एटी ४१८० क्रमांकाच्या मालवाहू वाहनाच्या चालकाविरुद्ध कलम २७९, ३३८, ३०४ अन्वये गुन्हा दाखल करण्यात आला.

-----------

साईसृष्टी कॉलनीत चोरी, गुन्हा दाखल

वरूड : येथील अक्षय मगर्दे यांच्या घरातून सुमारे ६८ हजार रुपयांचा ऐवज चोरीला गेला. १ जूनच्या रात्री ही घटना घडली. चोराने दाराचा कुलूपकोंडा तोडून घरातून डोरले, टीव्ही, मोबाईल लांबविला. याप्रकरणी वरूड पोलिसांनी अज्ञाताविरुद्ध गुन्हा दाखल केला.

------------

लाखनवाडी येथील विवाहितेचा छळ

चांदूर बाजार : तालुक्यातील लाखनवाडी येथील एका २३ वर्षीय विवाहितेचा शारीरिक व मानसिक छळ करण्यात आला. २३ सप्टेंबर २०२० च्या आसपास हा प्रकार घडला. याप्रकरणी शिरजगाव कसबा पोलिसांनी आरोपी निखील इंगळे, तेजस इंगळे व एका महिलेविरुद्ध गुन्हा दाखल केला.

--------------

विवाहितेचा पाठलाग करून विनयभंग

चांदूर बाजार : तालुक्यातील करजगाव येथील एका विवाहितेचा पाठलाग करून विनयभंग करण्यात आला. मोबाईलवर वारंवार संपर्क साधल्यामुळे पीडिताच्या मनात लज्जा निर्माण झाली. शिरजगाव कसबा पोलिसांनी आरोपी पंकज बारस्कर (रा. बासनेर, जि. बैतुल) याच्याविरुद्ध गुन्हा दाखल केला.

-------------

जैनपूर येथे इसमाला मारहाण

चांदूर बाजार : दारू पिण्यास पैसे न दिल्याने बाबाराव दादाराव वानखडे (४८, रा. जैनपूर) यांना मारहाण करण्यात आली. २ जून रोजी दुपारी ही घटना घडली. चांदूर बाजार पोलिसांनी प्रेमदास वानखडे (४२, जैनपूर) याच्याविरुद्ध गुन्हा दाखल केला.

--------------

चारचाकीच्या धडकेत दुचाकीस्वार गंभीर

परतवाडा : चांदूरबाजार ते अचलपूर मार्गावरील कविठा फाट्यानजीक चारचाकी वाहनाने दिलेल्या धडकेत दुचाकीस्वार हिंमतराव आठवले (६५, जवळा शहापूर) हे गंभीर जखमी झाले. १० मे रोजी सकाळी हा अपघात घडला. परतवाडा पोलिसांनी याप्रकरणी २ जून रोजी एमएच २७ बीझेड ०१०६ क्रमांकाच्या वाहनाच्या चालकाविरूद्ध गुन्हा दाखल केला.

----------

मालवाहू वाहनातून रेती जप्त

अचलपूर : हनवतपुरा मार्गावरून एमएच २५ ए १८३१ क्रमांकाच्या वाहनातून एक ब्रास रेती जप्त करण्यात आली. २ जून रोजी ही घटना घडली. अचलपूर पोलिसांनी ते वाहन जप्त केले व वाहनचालकाविरुद्ध गुन्हा दाखल केला.

--------------

फोटो पी ०४ अंजनगाव

अंजनगावात भाजपचे आक्रोश आंदोलन

अंजनगाव सुर्जी : संपूर्ण ओबीसी समाजाला हक्काचे आरक्षण परत मिळवून देण्यासाठी अंजनगाव सुर्जी तालुका भारतीय जनता पार्टी ग्रामीण व शहर मंडल यांच्यावतीने नुकतेच जनआक्रोश आंदोलन करण्यात आले. तहसीलदार जगताप यांना निवेदन देण्यात आले. यावेळी माजी आ. रमेश बुंदीले, नगराध्यक्ष कमलकांत लाडोळे, ज्ञानेश्वर दाळू, केशव कळमकर, संतोष काळे, भास्कर माकोडे, संदीप राठी, राजेंद्र रेखाते, मनोहर मुरकुटे, नंदू चिंचोळकर, मनोहर भावे, अविनाश पवार, प्रियंका मालठाणे, विद्या घडेकर, वर्षा बारबब्दे, संगीता उके, सत्यम पवार, अमोल काळे, वामन इंगळे, हर्षल पायघन, रितेश अवंडकर, नंदकिशोर बचे, सचिन जायदे उपस्थित होते.

----------------