सारांश बातम्या

परतवाडा : धारणी रोडवरील गौरखेडा कुंभी येथे दोन दुचाकी अनियंत्रित होऊन अपघात घडला. ५ जून रोजी रात्री ९ च्या सुमारास हा अपघात घडला. याप्रकरणी एमएच २७ एम २२३७ व एमएच २७ वाय ११८६ क्रमांकाच्या दुचाकीच्या चालकाविरुद्ध गुन्हा दाखल करण्यात आला.

-----------

ब्राम्हणवाडा थडी येथे मारहाण

ब्राम्हणवाडा थडी : येथील दीपक दामेधर (३८) याने गावातीलच एका महिलेला शिवीगाळ व तिच्या पतीला मारहाण केली. ८ जून रोजी सकाळी ८ च्या सुमारास हा प्रकार घडला. याप्रकरणी ब्राम्हणवाडा थडी पोलिसांनी आरोपी दीपक दामेधरविरुद्ध गुन्हा दाखल केला.

----------------

चांदूर बाजारात मोबाईल शॉपी फोडली

चांदूर बाजार : येथील बालक लाईनमधील आई मोबाईल शॉपी फोडून ४३ हजार ५०० रुपये किमतीचे २८ मोबाईल व अन्य साहित्य लंपास करण्यात आले. ५ जूननंतर ही घटना उघड झाली. सागर सातव यांच्या तक्रारीवरून चांदूर बाजार पोलिसांनी अज्ञाताविरुद्ध गुन्हा दाखल केला.

---------------

ओंकारखेडा येथे सासूला मारहाण

नांदगाव खंडेश्वर : तालुक्यातील ओंकारखेडा येथे एका महिलेला मारहाण करण्यात आली. तिच्या मुलीलादेखील मारहाण करण्यात आली. ६ जून रोजी सकाळी ही घटना घडली. नांदगाव खंडेश्वर पोलिसांनी याप्रकरणी सलिन्द भोसले (४०) याच्याविरुद्ध गुन्हा दाखल केला.

------------

दारापूर येथे तरुणाला मारहाण

भातकुली : तालुक्यातील खोलापूर पोलीस ठाण्याच्या हद्दीतील दारापूर येथे हरिहर लांडे (३८) याला मारहाण करण्यात आली. ६ जून रोजी हा प्रकार घडला. याप्रकरणी खोलापूर पोलिसांनी आरोपी शुभम पारे (रा. दहिगाव, ता. अंजनगाव) याच्याविरुद्ध गुन्हा दाखल केला.

-------------

हिवरखेड येथून रेती जप्त

मोर्शी : तालुक्यातील हिवरखेड येथील नागठाणा मंदिर रस्त्यावरून एमएच २७ - ४३१७ क्रमांकाच्या ट्रॅक्टर ट्रॉलीसह चोरीची रेती जप्त करण्यात आली. ६ जून रोजी रात्री ही कारवाई करण्यात आली. पीएसआय शरद भागवतकर यांच्या तक्रारीवरून आरोपी नीलेश घोरमाडे व अमोल महल्ले (३६, दोन्ही रा. हिवरखेड) यांच्याविरुद्ध गुन्हा दाखल करण्यात आला.

----------------

दापोरी येथे इसमाला मारहाण

मोर्शी : तालुक्यातील दापोरी येथे सुनील राऊत (४५) यांना मारहाण करण्यात आली. पोलीस ठाण्यात तक्रार का द्यायला लावली, अशी विचारणा करीत ६ जून रोजी रात्री ही घटना घडली. याप्रकरणी मोर्शी पोलिसांनी आरोपी अनिल डाखोळे (४२, दापोरी) याच्याविरुद्ध गुन्हा दाखल केला.

-------------

वरुडातून पार्सल चोरीला

वरूड : येथील बस स्टॅन्डच्या मागे असलेल्या एका कुरियर कार्यालयातून ३६ सीलबंद पार्सल चोरीला गेले. ४ जून च्या रात्री ही घटना घडली. याप्रकरणी वैभव प्रमोद सातफळे (रा. साखरपुरा) यांच्या तक्रारीवरून वरूड पोलिसांनी अज्ञाताविरुद्ध गुन्हा दाखल केला.

------------------

चांदूरवाडीतील कोरोनाग्रस्ताच्या घरातून एक लाख लंपास

चांदूर रेल्वे : तालुक्यातील चांदूरवाडी येथील एका कोरोनाबाधित महिलेच्या घरातून एक लाख रुपये रोख लांबविण्यात आले. १८ ते २२ मे दरम्यान ही घटना घडली. संबंधित महिला ही कोविड केअर सेंटरमध्ये दाखल असताना हा प्रकार घडला. चांदूर रेल्वे पोलिसांनी आरोपी गब्बर ऊर्फ मंगेश सलामे (रा. चांदूरवाडी) याच्याविरुद्ध गुन्हा दाखल केला.

-------------

जळका पटाचे येथे चोरी

तळेगाव दशासर : जळका पटाचे येथील शरद तलमले (२७) यांच्या घरातून ९२०० रुपयांचे दागिने व रीतेश राऊत यांच्या घरातून २५०० रुपये रोख लंपास करण्यात आले. ६ जून रोजी रात्री १ ते २ च्या सुमारास ही घटना घडली. याप्रकरणी तळेगाव दशासर पोलिसांनी अज्ञाताविरुद्ध गुन्हा दाखल केला.

---------------