सारांश बातम्या

मोर्शी : तालुक्यातील कोळविहीर येथे दुचाकीला झालेल्या अपघातात पती, पत्नी व मुलगा असे तिघे जखमी झाले. १७ जून रोजी ही घटना घडली. याप्रकरणी शिरखेड पोलिसांनी एका महिलेच्या तक्रारीवरून दुचाकीवरील यश तायडे व मयूर बावनकर (दोन्ही रा. शिराळा) यांच्याविरुद्ध गुन्हा दाखल केला.

--------------

अल्पवयीन मुलीला पळविले

मोर्शी : तालुक्यातील एका गावातून अल्पवयीन मुलीला फूस लावून पळवून नेण्यात आले. १७ जून रोजी सकाळी ही घटना उघड झाली. शिरखेड पोलिसांनी याप्रकरणी आरोपी मंगेश संजय पांढरे व अक्षय तुकाराम धानोकार (२५, रा. चिखलसावंगी) यांच्याविरुद्ध गुन्हा दाखल केला.

----------

कोळविहीर येथून दुचाकी लंपास

शिरखेड : मोर्शी तालुक्यातील कोळविहीर येथील अहिल्याबाई शाळेजवळून एमएच २७ बी ६३८३ या क्रमांकाची दुचाकी चोरीला गेली. १५ जून रोजी हा प्रकार घडला. शिरखेड पोलिसांनी सुधाकर कोल्हे (६०, रा. कोळविहीर) यांच्या तक्रारीवरून १८ जून रोजी अज्ञाताविरुद्ध गुन्हा दाखल केला.

-------------------

महावितरणच्या वसाहतीत महिलेला मारहाण

मोर्शी : महावितरणच्या कर्मचारी वसाहतीत ६२ वर्षीय महिलेला मारहाण करण्यात आली तसेच तिच्या मुलालादेखील शिवीगाळ करण्यात आली. मोर्शी पोलिसांनी तेथीलच दादाराव अडकने (५०) याच्याविरुद्ध गुन्हा दाखल केला.

------------

पेठ मंगरूळी शिवारातील पोल काढले

बेनोडा : लगतच्या शिवारात अनधिकृत प्रवेश करून शेतीला लावलेले सिमेंट पोल काढून टाकण्यात आले. यात सुमारे ३० हजार रुपयांचे नुकसान झाल्याची तक्रार कुंडलिक मस्के (६४, रा. मोर्शी) यांनी नोंदविली. १६ जून रोजी ही घटना उघड झाली. याप्रकरणी बेनोडा पोलिसांनी जलालखेडा येथील एका महिलेविरुद्ध गुन्हा दाखल केला.

-------

खुर्चनपूर येथे महिलेसह मुलाला मारहाण

दर्यापूर : तालुक्यातील खुर्चनपूर येथील एका ६० वर्षीय महिलेच्या हातावर चाकू मारण्यात आला तथा मुलालादेखील लाथाबुक्यांनी मारहाण करण्यात आली. १७ जून रोजी हा प्रकार घडला. दर्यापूर पोलिसांनी आरोपी ज्ञानेश्वर चापके (४०, येवदा) याच्याविरुद्ध गुन्हा दाखल केला.

--------------

येवद्याच्या जिल्हा परिषद शाळेत चोरी

येवदा : येथील जिल्हा परिषद कन्या शाळेतील ७०० रुपये किमतीचा गंज चोरीला गेला. १८ जून रोजी सायंकाळी ६ च्या सुमारास हा प्रकार उघड झाला. मुख्याध्यापक संदीप बेराड (४९) यांच्या तक्रारीवरून आरोपी अजय विजय मोहोड (२७, येवदा) याच्याविरुद्ध गुन्हा दाखल करण्यात आला.

-----------------

चांदूर बाजार येथून दुचाकी लंपास

चांदूर बाजार : येथील एका बँक परिसरातून दुचाकी लंपास करण्यात आली. ९ एप्रिल रोजी ही घटना घडली. याप्रकरणी दुचाकीचालक योगेश नवले (२८, रा. कोंडवर्धा) यांच्या तक्रारीवरून चांदूर बाजार पोलिसांनी अज्ञाताविरुद्ध गुन्हा दाखल केला.

------------

चांदूर बाजार येथे तरुणाला मारहाण

चांदूर बाजार : येथील मैनाबाई शाळेजवळ राहणाऱ्या दीपक सुदाम धावडे (१८) याला काठीने मारहाण करण्यात आली. १८ जून रोजी रात्री ९ च्या सुमारास ही घटना घडली. चांदूर बाजार पोलिसांनी याप्रकरणी अजय वासनकर (२५, रा. मैनाबाई शाळेजवळ, चांदूर बाजार) याच्याविरुद्ध गुन्हा दाखल केला.

---------------

धामणगाव रेल्वे येथील मुलीची फसवणूक

धामणगाव रेल्वे : येथील एका १७ वर्षीय मुलीची ४ हजार रुपयांनी ऑनलाईन फसवणूक करण्यात आली. १८ जून रोजी सकाळी हा प्रकार घडला. याप्रकरणी दत्तापूर पोलिसांनी ८३४६८४६७२८ क्रमांकाच्या जळगाव खानदेश येथील मोबाईल वापरकर्त्याविरुद्ध गुन्हा दाखल केला.

------------------

वऱ्हा येथे १.८७ लाखांची चोरी

तिवसा: तालुक्यातील वऱ्हा येथील ज्ञानेश्वर शेंडे (३२) यांच्या घरातून १.५० लाख रुपये व साबीर खान कदीर खान पठाण यांच्या घरातून २७ हजार २०० रुपयांचा ऐवज चोरीला गेला. १७ जून रोजी रात्रीच्या सुमारास ही घटना घडली. याप्रकरणी शेंडे यांच्या तक्रारीवरून कुऱ्हा पोलिसांनी अज्ञाताविरुद्ध गुन्हा दाखल केला.

--------------

दहिगाव येथे महिलेला मारहाण

अंजनगाव सुर्जी : तालुक्यातील दहिगाव रेचा येथील एका ५५ वर्षीय महिलेला मारहाण करण्यात आली. जागेच्या वादातून १८ जून रोजी ही घटना घडली. अंजनगाव सुर्जी पोलिसांनी याप्रकरणी एका ५८ वर्षीय महिलेविरुद्ध गुन्हा दाखल करण्यात आला.

------------