गण, गटांच्या निश्चिततेसाठी लोकसंख्येची तालुकानिहाय माहिती आयोगाला

अमरावती : जिल्हा परिषद व त्याअंतर्गत ११ पंचायत समित्यांची सदस्यसंख्या निश्चित करण्यात येणार आहे. याकरिता सन २०११ ची लोकसंख्या व त्यामध्ये समाविष्ट अनुसूचित जाती-जमातीची लोकसंख्या याची माहिती मंगळवारी जिल्हा निवडणूक विभागाद्वारे आयोगाला पाठविण्यात आली.

जिल्हा परिषदेसह ११ पंचायत समित्यांची मुदत मार्च २०२२ रोजी संपुष्टात येणार आहे. त्याअनुषंगाने वेळेच्या आत सार्वत्रिक निवडणूक घेण्यासाठी आयोगाची लगबग सुरू झाली आहे. जिल्ह्यात चार तालुक्यांच्या मुख्यालयी नगरपंचायतींचे गठण करण्यात आले आहे. त्यामुळे संबंधित गण व गटांतील मतदारसंख्या कमी झाली आहे. त्या अनुषंगाने आता प्रभागरचना व आरक्षण निश्चिती करण्यात येणार आहे. याकरिता नगर परिषद, नगरपंचायत व महापालिकेची झालेली हद्दवाढ वगळून उर्वरित क्षेत्राची माहिती आयोगाला अनुसूचित जाती व जमातीच्या लोकसंख्येसह सादर करण्यात आली व या माहितीच्या आधारेच आता जिल्हा परिषदेचे गट व पंचायत समितीचे गण यांची निश्चिती होणार असल्याचे जिल्हा निवडणूक विभागाने सांगितले.

शेंदूरजना नगर परिषदेची क्षेत्रवाढ झाल्याने १२,४८२ व व चार नगरपंचायतीची मिळून ५१,२१२१ लोकसंख्या आता नागरी क्षेत्रात आल्याने ग्रामीण मधून वगळण्यात येणार आहे. याशिवाय दर्यापूर नगर परिषदेची क्षेत्रवाढ झाली आहे व नगरविकासद्वारा ही उद्घोषणा झाल्यास ६,७५५ लोकसंख्यादेखील ग्रामीण भागातून वगळण्यात येणार असल्याचे सांगण्यात आले.

बॉक्स

जिल्ह्यातील तालुकानिहाय ग्रामीण लोकसंख्या

तालुका लोकसंख्या अनु.जाती अनु.जमाती

चिखलदरा १,०८,५१३ ७,१३४ ८७,४४५

चांदूर बाजार १,७५,७६६ ३४,४५३ १४,५१७

मोर्शी १,४५,१५१ २५,६१२ १६,४४२

वरूड १,५७,१७३ २४,३२२ २८,१९४

तिवसा ९२,२४६ १५,२८३ ३,५८६

अमरावती १,४१,२७० ३३,५४१ ८,८२२

अचलपूर १,७१,५९४ ३३,२८१ २५,४६७

धारणी १,६७,१७७ ६,३५५ १,३७,२१०

अंजनगाव सुर्जी १,०४,५२३ २७,०५७ ३,५९९

दर्यापूर १३८,५९८ ४१,४१० ११,२५७

भातकुली १,०४,२९३ २७,०१७ ६,३३९

चांदूर रेल्वे ७७,१३१ १६,५०६ ४,१४१

धामणगाव १,११,८५६ १९,३६८ ८,९९२

नांदगाव खंडेश्वर १,१६,२३८ २९,०९३ ४,९०२३

एकूण १८,११,५२९ ३,४०,४४२ ३,६१,४३४